Ирландын шигшээ баг болон “Ньюкасл”-ын нэг дугаарт Шей Гивен “Манчестер Сити”-д очих нь тодорхой боллоо. “Сити”-гийнхэн мөнгөө хайрлахгүй цацаж байгаа ч гэсэн Гивенд эхлээд 5 сая фунт амласан нь “Ньюкасл”-ынхны эгдүүцлийг төрүүлсэн билээ. “Гивенийг 5 саяар өгнө гэж үү? Тоглож байгаа байлгүй” гэж тэд хариулсан. Энэ хариуг дуулсан “Сити” тэдэнд нэмж 3 саяыг амласнаар Гивенийг өөрийн болгох боломжтой болжээ. Одоо Гивен шинэ багийнхаа эрүүл мэндийн үзлэгт орж байгаа бөгөөд хэрвээ бие эрүүл мэндийн хувьд элдэв үүсэхгүй бол тэр “Сити”-д маргааш л оччих юм байна.