“Ливерпуль”-д ноднин 20 саяар худалдагдсан Робби Кин “Тоттенхэм”-дээ хэдхэн цагийн өмнө 12.3 сая фунтээр буцаж ирсэн билээ. Кинийг эргэн ирж буйд баяртай  байгаа Харри Реднапп “Хэрвээ чи эргэж ирвэл ахлагчаар “Арсенал”-тай тоглох болно шүү гэж би түүнд хэлсэн. Түүнийг багийнхан маань бүгдээрээ хүндэлдэг, юу чаддагийг нь мэддэг болохоор ингэж үнэлж байгаа юм. Миний бодлоор Робби “Тоттенхэм”-д шилдгүүдийн нэг болж ирэх нь түүнд хэрэгтэй. Тэр бидэнд дутагдаад байгаа эрч хүчийг өгч чадна” хэмээн ярьжээ. Гэхдээ гэмтэлтэй байгаа Ледли Кинг талбайдаа эргэж ирээд Роббигоос ахлагчийн туузаа буцаан авах юм байна.