“Вашингтон”-ын довтлогч Александр Овечкин өчигдөр Үндэсний хоккейн лигт тоглосон эхний дөрвөн улиралдаа 200 шайб оруулсан дөрөв дэх тоглогч болсон. Түүний өмнө Майк Босси, Уэйн Гретцки, Марио Лемьё нарын алдартнууд л ийм амжилт үзүүлж байж.

Гэвч Овечкин 200 дахь шайбаа оруулсандаа баярлахтай манатай байв. Учир нь баг нь “Лос-Анжелес”-т 4:5-аар хожигдчихсон байлаа.

“Хувийн амжлтын тухай нэг их яримааргүй байна аа. Гэхдээ Гретцки, Лемьё нарын домог болсон тоглогчидтой нэр маань хамт дуудагдаж байгаад баярлаж байна. Эхний хоёр үед бид тааруу тоглолоо. Бидэнд хожих боломж байсан. Семины гоалын дараагаар бид зогсчих шиг л надад санагдсан. Нэг л замбараагаа алдаж, хаалга руу ч цохихоо больчихсон” гэж дэлхийн хоккейн эрдэнэ болоод буй эр ярьжээ.