Нью-Касл Юнайтедын барцад арилах болоогүй бололтой. Улиралын эхэнд Кевин Кийганаа  халж , хоёр сар гаран дасгалжуулагчгүй таваргасан тэд дахиад л менежергүй хоцорлоо. Энэ улиралыг дуустал Шаазгайнуудыг удирдах гэрээтэй байсан Ирланд эр Жое Киннер биеийн байдлын улмаас үүрэгт ажлаасаа чөлөөлөгдсөн аж. Өдгөө 62 настай Киннерийн зүрх хэт их ачааллын улмаас муудсан бөгөөд , ойрын хугацаанд хагалгаанд орох гэнэ. Тэгвэл хэн ”Magpies” -г удирдах вэ ?
Одоогоор энэ асуудал тодорхой бус байна. Клубын эзэн Майк Ашлигийн мэдээлснээр туслах дасгалжуулагч Крис Хюгон энэ үүргийг хүлээж байгаа ч , Гарри Рэднаппын туслах Уругвай мэргэжилтэн Густава Поеэтыг авчирна гэсэн мэдээлэл ч Британы хэвлэлүүдээр гараад байгаа. Гэхдээ  Киннерийг ирэх хүртэл шүү дээ. Одоогийн байдлаар дасгалжуулагчгүй ”Нью-Касл” 27 оноотой , 13-р байранд бичигдэж байна. Хамгийн сүүлд тэд Вэст Бромвичийг талбайд нь 3 : 2-р ялжээ.