Өнгөрсөн Бямба гарагт Өмнөд Солонгосын Пёнчанд эхэлсэн биатлоны ДАШТ-ий хоёр дахь өдөр зохион байгуулагчид нэн хачирхалтай шийдвэр гаргасны улмаас Норвегийн алдарт биатлончин Оле-Эйнар Бьорндален 12,5 км-ийн зайн ангуучлах уралдаанд ялалт байгуулж, Оросын шигшээ багийн тамирчин Максим Чудов алтан медалиа хураалгалаа. Спринт буюу богино зайн уралдаанд тэргүүлсэн Бьорндален энэ уралдаанд ч мөн адил хамгийн түрүүнд барианы шугамыг давж, Чудовыг 41 сек-ээр ардаа орхисон хэдий ч гарааны дараа буруу зам туулсан хэмээн шүүгчид үзэн, Олон улсын биатлоны холбооны дүрмэнд заасны дагуу түүнийг болон мөн ижил алдаа гаргасан 10-ад тамирчныг 1 мин-аар торгожээ. Тиймээс Чудов баярын мэндчилгээ хүлээн авч эхэлсэн юм. Гэвч тэмцээний зохион байгуулах хорооныхон Норвегийн шигшээ багийн гаргасан гомдлыг хүлээн авч, хэлэлцэн, төд удалгүй Бьорндаленыг эргүүлэн 1-р байранд оруулсан байна. Ингэснээр 35 настай Норегийн алдарт биатлончин 12 дахь удаагаа ДА цолыг хүртэж, мөн 86 дахь удаагаа дэлхийн цомын гараанд ялалт байгуулснаар өвлийн спортын төрөлд хамгийн олон түрүүтэй Шведийн уулын цанын домог Ингемар Стенмарктай эн зэрэгцлээ. Чудов мөнгө хүртэж, гуравт Бьорндалений нутаг нэгт Александр Ос оржээ. Оросын шигшээ багийн удирдлага энэ шийдвэртэй холбогдуулан гомдол гаргаж байгаа хэдий ч хэдхэн хоногийн өмнө манай хойд хөрш улсын биатлончдын сэргээш хэрэглэсэн нь тогтоогдсон явдал тус холбооны шийдвэрт нөлөөлөх магадлал өндөр байна.

Эмэгтэйчүүдийн 10 км-ийн ангуучлах уралдааны үед тамирчид дээрх алдааг гаргасангүй. Тэмцээний үед цаг агаарын байдал хүнд, тухайлбал, огцом хүйтэрч, мөн салхины хүч солигдож байсан нь тамирчдын амжилтанд нөлөөллөө. Үүний улмаас Спринт-д түрүүлсэн Германы тамирчин Кати Вильхельм галын шугаман дээр нийт 6 алдаа гаргаснаар тэргүүн байраа хадгалж чадалгүй, Шведийн Хелена Йонссоныг урдаа оруулж, мөнгөн медаль хүртсэн байна. 3-р байранд өмнөх өдрийн адил ОХУ-ын Ольга Зайцева орлоо. Манай хойд хөрш улсын биатлончин мөн адил 6 алдаа хийжээ.

Эрэгтэй

Event:	АЛТ:	Цаг	МӨНГӨ:	ЦАГ	ХҮРЭЛ:	Цаг
10 kм Спринт	Оле-Эйнар Бьорндален Норвеги	24:16.5 (1+1)	Ларс Бергер Норвеги	24:17.7 (1+1)	Халвард Ханеволд Норвеги	24:29.0 (0+0)
12.5 kм Хөөх	Оле-Эйнар Бьорндален Норвеги	31:46.70 (0+2+0+2)	Максис Чудов Орос	32:28.40 (0+0+1+2)	Александр Ос Норвеги	32:39.50 (0+0+2+1)

Эмэгтэй

Event:	АЛТ:	Цаг	МӨНГӨ:	Цаг	ХҮРЭЛ:	Цаг
7.5 kм Спринт	Кэти Вильхельм Герман	21:11.1 (0+0)	Simone Hauswald Герман	21:21.0 (0+0)	Ольга Зайцева Орос	21:38.2 (0+0)
10 kм Хөөх	Хелена Йонссон Швед	34:12.3 (2+0+0+0)	Кэти Вильхельм Герман	34:30.6 (1+1+3+1)	Ольга Зайцева Орос	34:36.4 (0+3+1+2)

ДАШТ 2 сарын 22 хүртэл явагдаж бөгөөд та бүхэндээ хуваарийг танилцуулбал: