Роттердамын цомын төлөө Энди Мюррэй , Рафаел Надаль нар өрсөлдөж буйг бид мэдээлсэн. Монголын цагаар өнгөрсөн шөнө явагдсан уг тулаан тийм ч сонирхолтой болсонгүй. Учир нь эхний сет дууссаны дараа Надалийн баруун өвдөгний бэртэл сэдэрсэн бөгөөд , хэдийгээр түүнд зовиуртай байсан ч тэрээр шүд зуун тулалдсаар , гурван сетийн ард гарчээ.

Ингээд Энди 6-3 4-6 6-0 -р түүнийг буулган авч  карьерийн 10 дахь түрүүгээ хүртлээ.

Мюррэй тоглолтын дараа ‘‘Надалийг бэртсэнийг мэдээд би юу хийхээ мэдээгүй , ямар ч байсан тийм их хичээж тоглохоо больсон‘ , ”түрүүлсэндээ баяртай байна , гэхдээ тэр бэртээгүй байсан бол тоглолт илүү сонирхолтой өрнөх байсан юм” гэжээ.

Одоо түүнийг Ирэх 23-28 -ны хооронд болох Barclays Dubai Tennis Championship тэмцээн хүлээж байна.