Английн Премьер лигийн 26-р тойргийн тоглолтууд болж байна. Энэ тойргийн хамгийн сонирхолтой нь Оросоос очсон 2 эр Английн хөлбөмбөг дэх гараагаа хэрхэн хийх вэ гэдэг асуудал байлаа.

Гус Хиддинк Челсиг дасгалжуулан эхний тоглолтоо энэ улиралд маш сайн тоглож байгаа Астон Виллагийн эсрэг талбайд нь хийн, Чеоси 1:0 харьцаагаар хожиж дөнгөв. Гоолыг Николья Анелька хийсэн бөгөөд түүнд Фрэнк Лампард оновчтой дамжуулалт өгсөн болно. Челси “Вилла Паркт”-т сүүлийн 10 жилд анхны хожлоо авсан байна. Мөн Астон Виллагийн 13 тоглолтын турш лигтээ хожигдоогүй явсан амжилт нь зогслоо. Астон Вилла сүүлийн 6 өдөр 3 дахь тоглолтт хийж байгаа болохоор ядарсан байх, энэ нь ч тоглолтонд нь нөлөөлсөн болов уу.

Хүснэгтийн 5-р байранд бичигдэж байгаа Арсенал Астон Виллад оноогоор ойртох боломж гарсан ч тэд ашиглаж чадсангүй. Андрей Аршавиний гарааны тоглолтонд Арсенал талбай дээрээ Сандерландтай гоолгүй тэнцлээ. Гэхдээ Аршавин муугүй тоглосон бөгөөд ББС-ийн саналаар энэ тоглолтонд Арсеналаас хамгийн сайн тоглосон тоглогчоор тодорсон байна.

Манчестер Юнайтедын гоол алдаагүй дараалсан тоглолтын дээд амжилт тасалдсан ч хожлын цуврал нь зогссонгүй. Юнайтед лигтээ 1334 минутын турш хаалгандаа гоол алдаагүй байсан юм. Энэ тоглолтын өмнө Блекбэрний Роке Санта Круз “Би тэдний, Ван Дер Сарын дээд амжилтыг зогсоохыг хүсэж байна” хэмээн мэдэгдэж байсан бөгөөд хэлсэндээ ч хүрч, “МЮ”-ын хаалганд гоол оруулж чадсан. Гэхдээ Сарын хаалганд биш, Кушакын хаалганд. Энэ тоглолтонд Юнайтедын гарааны бүрэлдэхүүнд Кушак гарсан юм. Тооны харьцаа 1:1 байх үед буюу тоглолтын 2-р үед Криштиану Роналду хаалттай цохилтыг супер гүйцэтгэлтэй хийж, багтаа хожил бэлэглэсэн гэхэд болно.

Хүснэгтийн 2-р байранд бичигдэж байгаа Ливерпуль энэ тойрогт Манчестер Ситиг барсангүй, 1:1-ээр тэнцлээ. Арбелоа өөрийн хаалгандаа гоол хийн Ливерт хүнд байдал үүсгэсэн бөгөөд уйгагүй довтолж байж, 77 дахь минутанд Фернандо Торресын дамжуулалтаар Дирк Кюйт тэнцээний гоолыг хийсэн байна. Ингэснээр Ливерпуль лидер Манчестер Юнайтедээс 7 онооны зөрүүтэй боллоо.

Манчестер Юнайтед – Блэкберн 2:1

Гоол: Руни, 23; Роналду, 60 – Санта Крус, 32
Манчестер Юнайтед: Кущчак, Рафаэл да Сильва, Фердинанд, Эванс (Видич, 61), Эвра, Роналду, Кэррик, Скоулз (Гиггз, 83), Нани (Тевес, 61), Руни, Бербатов
Блэкберн: Робинсон, Ойер, Нельсен, Живэ, Уорнок, Грелла (Маккарти, 79), Эндрюс, Данн (Тугай, 74), Диуф (Триси, 83), Санта Крус, Педерсен

Сток Сити – Портсмут 2:2

Гоол: Битти, 78-пен, 80 – Кранчар, 75; Шоукросс, 90-авт
Сток Сити: Соренсен, Уилкинсон, Шоукросс, Аб.Файе, Хиггинботам, Лоуренс (Тонге, 67), Диао, Ам.Файе, Пью, Битти, Сидибе (Крессуэлл, 84)
Портсмут: Джеймс, Джонсон, Кэмпбелл, Дистен, Хрейдарссон, Пеннант, Басинас (Маллинс, 72), Дэвис, Кранчар (Кану, 89), Наджент (Бельхадж, 89), Крауч

Мидлсбро – Уиган 0:0

Миддлсбро: Джонс, Хойт, Уитер, Хут, Погатец, А.Джонсон (Тунджай, 62), Дигар (Уокер, 24), О’Нил, Арка, Даунинг, Алвес (Алиадье, 53)
Уиган: Кирклэнд, Мельхиот, Бойс, Брэмбл, Фигероа, Уотсон, Каттермоул, Браун, Нзогбиа, Капо (Родальега, 62), Заки (Сибьерски, 76)

Болтон – Вест Хэм 2:1

Гоол: Тэйлор, 10; К.Дэйвис, 11 – Паркер, 66
Болтон: Яаскелайнен, Стеинссон, Кэхилл, Пюйгренье (Э.О’Браен, 73), Самуэль, М.Дэйвис, Маканн, Гарднер, Тэйлор, К.Дэйвис, Эльмандер (Муамба, 76)
Вест Хэм: Грин, Спектор (Сирс, 85), Коллинз (Томкинс, 16), Апсон, Илунга, Бехрами, Паркер, Нобл, Коллисон (Нсереко, 62), Ди Микеле, Коул.

Арсенал – Сандерленд 0:0

Арсенал: Альмуния, Санья, Галлас, Туре, Клиши (Гиббс, 85), Насри, Денилсон, Сонг (Эбуэ, 79), Аршавин (Вела, 63), Бендтнер, ван Перси
Сандерленд: Фалоп, Бен-Хаим, Фердинанд, Коллинз, Маккартни, Мальбранк, Уайтхэд, Тайнио (Лидбиттер, 76), Рид (Мерфи, 79), Ричардсон, Джонс (Эдвардс, 89)

Астон Вилла – Челси 0:1

Гоол: Анелька, 19
Астон Вилла: Фридель, Куэльяр, Дэвист (Карью, 70), Найт, Янг, Милнер, Петров, Бэрри, Янг, Хески, Агбонлахор
Челси: Чех, Босингва, Алекс, Терри, Феррейра, Оби Микел, Баллак, Лэмпард, Калу (Деку, 55), Анелька, Дрогба (Беллетти, 90)

Ливерпуль  - Манчестер Сити 1:1

Гоол: Кюйт, 77 – Арбелао: автогоол
Фулхэм - Вест Бромвич 2:0

Гоол: Замора, 61; Жонсон, 72