БНСУ-ын ҮОХ-ны Ерөнхийлөгчөөр энэ жил нас сүүдэр 69 хүрсэн Пак Ён-Сүнь сонгогдлоо. Тэрбээр өмнө нь Олон улсын жүдо бөхийн холбоо (IJF)-г тэргүүлж, Олон улсын олимпийн хороо (IOC)-ны  гишүүний албыг хашиж байсан зүтгэлтэн билээ.

Гуулин улсын олимпийн боссын суудлын төлөө найман нэр дэвшигч өрсөлдсөнөөс жүдо-Пак 26 саналаар (авах ёстой 50 санал) тасархай түрүүлж, Олон улсын софт теннисний холбооны Ерөнхийлөгч Пак Сан-Ха 12 “оноогоор” үзүүрлэсэн байна. Шинэ Ерөнхийлөгч Пак өдгөө “DOOSAN” группыг тэргүүлж, “Чүн ан” их сургуулийн захирлын албыг хашдаг  гэнэм. Тэрбээр ОУЖХ-ны Ерөнхийлөгч байх үедээ Монгол улсад айлчилж байсан билээ.