Премьер лигийн 27-р тойрогтой холбоотой зарим тоо баримт, статисткаас  танилцуулъя.

1 – Сэм Аллердайсын удирдлага дор Блэкбэрн анхны зочлон тоглолтын хожлоо энэ тойрогт Халл Ситиг хожин байгуулжээ.

2 -Сток Сити болон Фулхэм багууд Английн топ 4 лигийн багууд дундаас энэ улиралд айлын талбайд хожоогүй 2-хон баг хэвээр байна.

3 – Фулхэм энэ улиралд айлын талбайд 14 тоглохдоо ердөө 3-хан гоол хийжээ.

4 -Сток энэ улиралд айлын талбайд хийсэн тоглолтуудаасаа нийт 42 оноо авах боломжтой байсан ч 4-ыг нь л авч. Тэд мөн дээд лигт айлын талбайд 34 тоглолт дараалан хожоогүй явна. Хамгийн сүүлд 1984 оны 5 сарын 7-нд Лютонийг 1:0-ээр хожсоноос хойш 25 жил айлын талбайд хожоогүй юм байна.

5 – Арсенал 5 дараалан тэнцсэний дотор сүүлийн 4-т нь гоолгүй тэнцжээ. 1994 оны 2 сараас хойш 5 дараалан тэнцсэн тохиолдол тэдний хувьд байхгүй байж. Олон тэнцэж байгаа нь тоогүй ч оролцож байгаа тэмцээнүүддээ нийтдээ 15 тоглолт дараалан хожигдоогүй яваа нь муугүй.

5 -Астон Вилла лигийн эхний 4-т бичигдэж байгаа ч талбай дээрээ энэ улиралд 14 тоглолт хийхдээ ердөө 5-д нь хожжээ.

6 – Эвертон талбай дээрээ хийсэн сүүлийн 6 тоглолтондоо нэг ч хожигдоогүй байна. Эдгээр 6 тоглолтынхоо 4-т нь хожиж, 2-т нь тэнцжээ.

7 – Фулхэм энэ улиралд 7 удаа гоолгүй тэнцсэн нь лигтээ хамгийн олонд тооцогдож байна.

8 – Ливерпуль Мидлсброгийн талбайд хийсэн сүүлийн 10 тоглолтынхоо 8-д нь гоол хийгээгүй.

11 – Халл Сити клуб Премьер лигт 11 тоглолтын турш хожоогүй нь одоогоор хамгийн урт амжилтгүй цуврал болж байна.

15 – Мидлсбро лигтээ сүүлийн 15 тоглолтноос анхны хожлоо авч байгаа бо Ливерпуль 15 тоглолтноос анхны хожигдлоо хүлээжээ.

23 – Арсенал Фулхэмд лигтээ болон цомын тэмцээнд сүүлийн 23 тоглолтын турш хожигдоогүй явна. 20 удаа хожиж, 3 удаа тэнцжээ.

30 – Эвертон өөрийн Гуудисон Парк цэнгэлдэхдээ Вест Бромвичэд 1979 оны 5 сарын 1-нээс хойш 30 жил хожигдоогүй байна.

50 – Ливерпулын довтлогч Райн Бабель Премьер лигт 50 дахь тоглолтондоо оролцлоо.

50 – Тайтус Брамбл Уиганы төлөө лигтээ 50 дахь тоглолтоо хийв.

51 – Вест Бромвич Албион Премьер лигт нийтдээ 51 гоолыг л өрсөлдөгчийнхөө хаалганд хийгээд байна.

100 – Жереми Алиадейр Английн лигт 100 дахь тоглолтоо (Арсенал, Вест Хэм, Вульвс болон Мидлсбро) хийсэн, мөн Мидлсброгийн бүрэлдэхүүнд 50 тоглолтондоо оролцсон байна.

100 – Роберт Грин Вест Хэмийн өмсгөлтэй 100 дахь тоглолтоо хийхдээ хаалгаа хоосон манаж, амжилттай тогложээ.

150 – Ёосси Бенаюн Английн клубуудын бүрэлдэхүүнд 150 дахь тоглолтондоо оролцжээ. Ливерпульд ирэхээсээ өмнө тэрээр Вест Хэмд тоглож байсан.

200 – Жеймс Милнер лигтээ 200 дахь тоглолтоо хийв. (Лидс, Свиндон, Ньюкасл болон Астон Вилла).

250 – Пол Кончески клубтээ 250 дахь тоглолтондоо гараанд гарлаа. (Чарльтон, Тоттенхэм, Вест Хэм болон Фулхэм багуудад тоглож).

300 – Алдарт Стивен Жеррард 300 дахь удаагаа Ливерпулын гарааны бүрэлдэхүүнд гарав.

300 – Бобби Замора лигтээ 300 дахь тоглолтоо хийлээ. (Бристол Роверс, Брингтон, Тоттенхэм, Вест Хэм болон Фулхэмийн бүрэлдэхүүнд тоглож)