Өнгөрөгч амралтын өдрүүдэд Чехийн Прага, Польшийн Варшавт болсон Дэлхийн цомын тэмцээний эхний өдрийн мэдээллийг “ТЦ” өмнөх дугаартаа хүргэсэн. Хоёр дахь өдөр болсон жингүүдийн дүнг үргэлжлүүлэн сонирхуулъя.

Дэлхийн цом, Прага (Эм)

70 кг (30 бөх): 1.Сесилья Бланко (Испани) 2.Ван Жуань (БНХАУ) 3.Лейре Иглесиас (Испани), Жулиан Робра (Швейцарь) 5.Керстин Тьеле (Герман), Пүрэвжаргалын Лхамдэгд (Монгол)

П.Лхамдэгд эхний тойрогт эзэн орны Павлина Невзиловаг вазари, юүкогоор, дараагийн даваанд Украины Тетьяна Савенког вазари үнэлгээгээр хожоод олимп, ДАШТ-ий шагналт, Европын АШТ-ийн хошой мөнгөн медальтай Испанийн Сесилья Бланкод цаг дуусахаас есөн секундын өмнө цэвэр ялагджээ. Дагах барилдаанд БНХАУ-ын Ван Чяньчуг 4:52 минутад хоёр вазаригаар буулган авч, хүрэл медалийн төлөө Швейцарийн Жулиан Робрад 3:51 минутад цэвэр дийлдлээ.

-78 кг (24): 1.Эстер Сан-Мигель (Испани) 2.Хайде Воллерт (Герман) 3.Люси Лоуэт (Франц), Эми Коттон (Канад) 5.Яхима Рамирес (Португал), Катерин Роберге (Канад)

+78 кг (15): 1.Люсиа Полавдер (Словен) 2.Лью Хуаньюань (БНХАУ) 3.Гулжан Иссанова (Казахстан), Урсула Садковска (Польш) 5.Франчишка Кониц (Герман), Елена Иващенко (ОХУ)
Энэ тэмцээнд 37 орны 243 бөх хүч үзсэнээс Испани, Японы баг хоёр алт, нэг хүрэл медаль авсан амжилтаар тэргүүлж, нийт 14 улс медальтай нутаг буцлаа.

Дэлхийн цом, Варшав (Эр)

81 кг (56): 1.Сергей Шунзиков 2.Александр Счяшенка (хоёул Беларусь) 3.Масахиро Такамацү (Япон), Мурат Шадов (ОХУ) 5.Леван Циклаури (Гүрж), Артем Василенко (Украин)

90 кг (39): 1.Тамаг Мадараш (Унгар) 2.Каролис Бауза (Литва) 3.Никола Бриссон (Франц), Кирилл Вопросов (ОХУ) 5.Качпер Ларем (Польш), Тимур Болат (Казахстан)

-100 кг (40): 1.Ариэль Зееви (Израиль) 2.Роберт Зиммерманн (Герман) 3.Сириль Маре (Франц), Левани Жоржолиани (Гүрж) 5.Артем Блощенко (Украин), Яухен Сиомачкин (Беларусь)
90 кг-ийн жинд олимп, дэлхийн аварга болсон Иракли Цирекизе эхний тойрогт Польшийн Мачие Чарнашкид торгуулиар хожигдон хоосон хоцорлоо.

+100 кг (31): 1.Игорь Макаров (Беларусь) 2.Луук Вербий (Голланд) 3.Мартин Падар (Эстони), Мариус Паскевичиус (Литва) 5.Януш Войнарович (Польш), Адам Окроашвили (Гүрж)

Варшавт 43 орны 322 хүчтэн цугласнаас Беларусийн жүдочид хоёр алт, нэг мөнгөн медаль авсан амжилтаар тэргүүлж, хоёр аваргатай БНСУ удаалав. Нийт 17 орны бөхчүүд медаль авчээ.