Өнөөдөр НБА-ын талбайд 10 тоглолт боллоо.

Өнөөдрийн одод:

-Дуйэн Уэйд, Хит. Майами өнөөдөр Торонтогийн талбайд зочлон тоглож ялалт байгууллаа. Хит Торонтог 2007 оны 4 сарын 3-наас хойш хожиж чадаагүй байжээ. Дуэйн Уэйд энэ улиралд сайн тоглож байгаа бөгөөд Бүх оддын тоглолтоос хойш гоц сайн тоглосоор. Хитэд саяхан ирсэн Жермайн О’Нил, “Би зарим агуу тоглогчидтой нэг багт тоглож байсан. Гэхдээ Уэйд шиг тоглогчийг мэдэхгүй. Түүний тоглолт итгэмээргүй” хэмээн магтжээ.  Лигийг оноо авалтаар тэргүүлж байгаа Уэйд Оддын тоглолтоос хойш дунджаар 35.8 оноо авч байна. Мөн сүүлийн 7 тоглолтын 4-т нь 40-өөс дээш оноо авчээ. Өнөөдөр л гэхэд Торонтогийн эсрэг 42 оноо, 8 оновчтой дамжуулалт, 6 самбараас авалт хийв. Уэйдийн Хит маргааш ЛеБроны Кавальерстэй энэ долоо хоногт 2  дахиа тоглоно. Энэ тоглолт сонирхолтой болох нь тодорхой.

-Дерон Уилльямс, Жазз. Денверийн эсрэг 25 оноо, 11 оновчтой дамжуулалт хийн багаа тэргүүлж, Юта 10 дахь дараалсан хожлоо авлаа. Мөн Дерон 11 тоглолт дараалан 10-аас дээш оновчтой дамжуулалт хийжээ.

-Дуайт Ховард, Мэжик. Нетсийг хожсон тоглолтонд Дуайт 26 оноо, 15 самбараас авалт хийжээ.

-Пол Пирс, Селтикс. Кавальерсийн эсрэг 29 оноо авсан байна.

-Бен Гордон, Буллз. Баксын эсрэг 34 оноо аван багаа тэргүүлж, Буллз бүсдээ 8-д бичигдэж эхэллээ.

-Аарон Брукс, Рокетс. Өөрийн дээд амжилт 30 оноог Сансын эсрэг авсан төдийгүй хожлын бөмбөгийг сүүлчийн мөчид цагирагт хийсэн байна.

Бостон 2:1 Кливленд

Кливленд, Бостон багууд бүсдээ плей-оффт тэргүүн байраар гарахын төлөө өрсөлдөж байгаа. Өнөөдөр энэ 2 баг энэ улиралд 3 дахь удаагаа тоглож, талбайн эзэн Селтикс 105:94-өөр хожлоо. Селтикс ийн Кавальерсийг энэ улиралд 2 дахиа хожив. Гэхдээ хожлын хувиараа Кавальерс үл ялиг илүү байгаа.  4 сарын 12-нд 4 дэх тоглолт болно.

Төрсөн өдрийн эзэн

Шакил О’Нил 37 насныхаа төрсөн өдрөөр Рокитсын эсрэг, Яо Миний эсрэг тоглож, 17 оноо авсан ч баг нь хожигдлоо. Өнөөдөр үдээс өмнө Сансын дасгалжуулагч Алвин Жентри төрсөн өдөр нь тохиож буй Шакт шоколадтай бялуу өгч, Горан Драгич Төрсөн өдрийн дууг Словениар дуулж өгсөн байна.

Коби дээшилсээр

Коби Брайант өнөөдөр Миннесотагийн эсрэг 2 дахь довтолгоогоо амжилттай болгосноор Роберт Пэришийг гүйцэн бүх цагийн онооны лидерүүдийн жагсаалтын 18-д бичигдэх боллоо. Пэриш лигт 21 жил тоглохдоо 23334 оноо авсан бол Брайант лигт 12 дахь жилдээ тоглож байгаа бөгөөд одоогоор 23354 оноо аваад байна. Лейкерс өнөөдөр Миннесотанг хожсоноор энэ улиралд 50 хожил авсан анхны баг боллоо.

Сайн цуврал

Шарлотт өнөөдөр Атлантаг хожсоноор 5 дахиа дараалан хожлоо. Энэ нь тус багийн дээд амжилттай зэрэгцсэн үзүүлэлт болсон байна. Мөн Детройт Пистонс өнөөдөр Голден Стэйтийг хожиж, 4 дэх дараалсан хожлоо авлаа.

Гэмтэл, бэртэл, асуудал

Милоукигийн Люк Риднур өнөөдөр Чикагогийн эсрэг тоглолтонд баруун гарынхаа эрхий хурууг гэмтээж тоглолтыг орхижээ. Тэр өнгөрсөн сард эрхий хуруугаа хугалж байсан байна. Голден Стэйтийн төвийн тоглогч Андриш Бьедринс Детройттой хийсэн тоглолтонд хувийн шалтгааны улмаас тоглосонгүй. Мөн Монта Эллис, Брэндон Райт нар гэмтлийн улмаас тоглоогүй байна.

Өнөөдөр болсон тоглолтуудын дүн.

“Орландо” – “Нью-Жерси” – 105:102 (32:29, 28:30, 23:27, 22:16)

О: Ховард – 26 + 15 самбар. Льюис – 21. Пьетрус – 14.

Н: Харрис – 25. Картер – 19. Жинлян – 12.

“Торонто” – “Майами” – 102:108 (24:22, 26:34, 26:30, 26:22)

Т: Бош – 34. Барньяни – 23. Паркер – 16.

М: Уэйд – 42. Бисли – 12. Хаслем – 10. Челмерс – 10. Куинн – 10.

“Шарлотт” – “Атланта” – 98:91 (36:21, 23:29, 21:20, 18:21)

Ш: Уоллос – 21. Окафор – 17 + 11 самбар. Фелтон – 17 + 10 дамжуулалт.

А: Хорфорд – 15. Бибби – 14. Маррей – 14.

“Бостон” – “Кливленд” – 105:94 (21:19, 24:24, 33:26, 27:25)

Б: Пирс – 29. Поув – 20 + 11 самбар. Аллен – 17.

К: М. Уильямс – 26. Жеймс – 21. Варехао – 15.

“Детройт” – “Голден Стэйт” – 108:91 (33:16, 30:24, 22:26, 23:25)

Д: Хамильтон – 22. Макселл – 16. Принс – 16.

Г: Кроуфорд – 25. Рэндольф – 17. Белинелли – 13. Морру – 13.

“Сан-Антонио” – “Вашингтон” – 100:78 (24:15, 22:19, 33:19, 21:25)

С: Паркер – 19. Удока – 13. Финли – 12. Хилл – 12.

В: Жэймисон – 14. Сонгалиа – 11. Янг – 11.

“Хьюстон” – “Финикс” – 116:112 (23:18, 33:28, 25:30, 35:36)

Х: Брукс – 30. Артест – 21. Лэндри – 16.

Ф: Нэш – 32 + 13 дамжуулалт. Барбоза – 24. Барнс – 17. Ш. О’Нил – 17.

“Чикаго”- “Милуоки” – 117:102 (25:26, 38:26, 22:28, 32:22)

Ч: Гордон – 34. Роус – 27. Сальмонс – 21.

М: Жефферсон – 27. Маут – 21 + 11 самбар. Сессионс – 20 + 11 дамжуулалт.

“Лейкерс” – “Миннесота” – 110:90 (22:17, 25:19, 30:23, 33:31)

Л: Брайант – 23. П. Газоль – 21. Пауэлл – 14.

М: Гомес – 20. Телфэйр – 18. Лав – 18 + 14 самбар.

“Юта” – “Денвер” – 97:91 (16:24, 21:23, 36:22, 24:22)

Ю: Уильямс – 25. Брюэр – 16. Окур – 12.

Д: Смит – 27. Энтони – 20. Биллапс – 12.