Өнөөдөр НБА-ын талбайд 7 тоглолт боллоо.

Дорнод бүсийн тэргүүн байрын төлөө Кливленд, Бостон 2-оос гадна Орландо Мэжик бас өрсөлдөж байгааг мартаж болохгүй нь. Мэжик өнөөдөр Бостон Селтиксийг талбайд нь хожлоо. Ингэснээр Мэжик Селтиксээс 2, Кавальерсээс 3 тоглолтын дутуу болж байна. Энэхүү хожил Орландогийн 4 дэх дараалсан хожил болжээ.

Юта өнөөдөр Торонтогийн талбайд зочлон тоглож хожсоноор 11 дэх дараалсан хожлоо авлаа. Тэд 1999 оны 4 сарын 1-18-ны хооронд 11 дараалан хожиж байснаас хойш анх удаа ийм амжилт үзүүлж байна.

Тони Паркер бас нэгэн сайн тоглолтоо үзүүлж, Финикс Санс бас нэгэн хожигдлоо хүлээлээ. Сансын хувьд одоо тоглолт бүхэн чухал бөгөөд энэ маягаараа бол плей-оффоос мултрах нь ээ. Уг нь Жентри Сансыг дасгалжуулж эхэлснээсээ хойш 6-2 амжилттай байсан ч сүүлийн 4 тоглолтондоо дараалаад хожигдлоо.

Дорнод бүсийн плей-оффын эрхийн төлөө өрсөлдөж байгаа Нетс-Никсийн тоглолт Нетсийн хожлоор өндөрлөлөө. Девин Харрис 35 оноо, 10 оновчтой дамжуулалтаар багаа тэргүүлсэн байна.

Яо Мин 24 оноо, 17 самбараас авалтаар багаа тэргүүлэн, Рокитс Мемфисийг хожиж, талбай дээрх хожлын цувралаа 12 болголоо. Тэд одоо бүсдээ 4-р байранд бичигдэж байгаа ч энэ долоо хоногт Денвер, Лейкерс, Спэрс гэсэн бүсийнхээ 3 шилдэг багтай тоглоно.

Оклахома 2 лидерийнхээ эзгүйд сайн тоглож байна. Тэд Дюрантын эзгүйд 5 тоглож 4, Жефф Гриний эзгүйд 4 тоглож, 3 хожлоо. Харин Филли Бүх оддын тоглолтоос хойш 10 тоглохдоо 7-д нь хожигдоод байна.

Кармелогийн хэлснээр Денвер энэ улирлын хамгийн муу хожигдлынхоо нэгийг Сакраментогийн талбай дээр хүлээлээ. Денвер айлын талбайд 6 дараалан ялагдлаа. 2 сарын 18-нд Филадельфид хожсоноосоо хойш айлын талбайд хожоогүй өдийг хүрсэн байна.  Гэхдээ Денвер дараагийн 4 тоглолтоо бүгдийг нь талбай дээрээ хийнэ. Мөн ирэх 6 тоглолтынхоо 4-ыг нь лигийн муу багууд болох Оклахома, Клипперс, Мемфис, Вашингтоны эсрэг хийх ажээ.

Өнөөдөр болсон тоглолтууд

“Торонто” – “Юта” – 101:109 (24:29, 24:20, 39:32, 14:28)

Т: Бош – 30+10 самбар. Барньяни – 20+8 самбар. Э. Паркер – 16.

Ю: Дер. Уильямс – 25+9 о.дамжуулалт. Корвер – 20+8 самбар. Окур – 19+11 самбар.

“Бостон” – “Орландо” – 79:86 (15:22, 18:29, 23:18, 23:17)

Б: Р. Аллен – 32+9 самбар. Пирс – 16+8 самбар.

О: Дуайт Ховард – 18+15 самбар. Туркоглу – 16. Р. Льюис – 15.

“Сан-Антонио” – “Финикс” – 103:98 (30:30, 28:15, 20:29, 25:24)

С: Паркер – 30 + 9 о.дамжуулалт. Мэйсон – 18. Данкан – 17 + 15 самбар.

Ф: Нэш – 23 + 11 о.дамжуулалт. Барбоса – 20. Ричардсон – 15.

“Нью-Джерси” – “Нью-Йорк” – 106:101 (27:30, 26:27, 26:20, 27:24)

Н-Д: Харрис – 35 + 10 о.дамжуулалт. Картер – 25 + 9 самбар. Лопез – 16.

Н-Й: Ли – 19 + 14 самбар. Робинсон – 17. Галлинари – 15.

“Оклахома Сити” – “Филадельфи” – 89:74 (18:24, 30:12, 18:16, 23:22)

О: Крстич – 20 + 8 самбар. Роуз – 14. Коллисон – 12 + 11 самбар.

Ф: Янг – 20. Миллер – 20. Игуодала – 9 + 8 самбар.

“Хьюстон” – “Мемфис” – 93:83 (28:19, 27:18, 20:20, 18:26)

Х: Минг – 24 + 17 самбар. Скола – 18 + 14 самбар. Артест – 13.

М: Гай – 21. Газоль – 18. Конли – 15.

“Сакраменто” – “Денвер” – 114:106 (35:25, 26:24, 24:26, 29:31)

С: Мартин – 26 + 8 о.дамжуулалт. Носиони – 23. Хауэс – 20 + 8 самбар.

Д: Энтони – 32. Биллапс – 22 + 8 о.дамжуулалт. Смит – 19.

Маргааш болох тоглолтууд

Портленд – Лейкерс

Денвер – Хьюстон

Миннесота – Вашингтон

Майами – Чикаго

Детройт – Орландо

Атланта – Нью-Орлеан