Раул (Реал) : … Хамгийн чухал нь гоол оруулах л байна. Багаар бодоход бид хоёрыг хийж байж л дараагийн шатанд үлдэнэ. Үүнийг би хийж чаддаггүй юм аа гэхэд манай багийнхан чадна гэж найдаж байна даа.
Анфиелдэд би өчнөөн л олон удаа очиж үзэж байсан. Очих болгонд сэтгэл догдлуулдаг үнэхээр гайхалтай цэнгэлдэх шүү. Тиймээс тэнд ялалт байгуулан Ливерпулийн бүлээн агаарт баяраа тэмдэглэхийг би туйлгүй ихээр хүсч байна.

Пепе (Реал) : Ливерпулийг хамгаалах тактик ашиглана гэж бодохгүй л байна. Тэд магадгүй довтолж биднийг нэгмөсөн буулгаж авахыг хичээх байх. Энэ нь эсрэгээрээ манайд давуу ашигтай болж байгаа байхгүй юу.

Игуайныг яагаад Атлетикогийн эсрэг гаргаагүй юм бэ гэж үү. Дасгалжуулагч нэг юм бодсон байлгүй дээ. Тэр бол бидний хувьд маш чухал тоглогч. Тиймээс их тулааны өмнө түүнийг амраасан байх.

Баллак (Челси) : Хариу тоглолтыг айлын талбайд хийнэ гэдэг чинь бас л хэцүү шүү дээ. Ялангуяа 1 : 0, 2 : 0 гэсэн цөөхөн оноогоор ялсан үед. Онооны зөрүү ойрхон байх тухам өрсөлдөгч багийн чинь довтолгоо ширүүсч байдаг. Тиймээс ирэх тоглолтонд бид тун хянамгай байж алдаа бага гаргах хэрэгтэй.

Мексес (Рома) : Лондонд болсон тулаанд би өөрийгөө алдаа гаргасан гэдгээ хүлээн зөвшөөрнө. Ганц би ч гэлтгүй манайхан бүгдээрээ л тиймхэн тоглосон. Энэ бүхний эцэст 1 : 0 гэдэг чинь харин тун дажгүй үзүүлэлт шүү дээ. Арсеналын тухайд сайн нь сайн баг. Гэхдээ ихэнх тоглогчид нь бараг жоохон хүүхдүүд учраас одоохондоо томчуудтай үзэлцэх арай л болоогүй байна.
Эцэст нь хэлэхэд энэ жилийн финал манай Олимпикод болно. Тиймээс энд тоглох нь финалд бэлдэж байнаа л гэсэн үг. Бид энэ цэнгэлдэхдээ тоглож байхдаа өрсөлдөгчөөсөө нэг хүнээр илүү гэдгээ мэдэрдэг.

Раньери (Ювентус) : Италийн хөлбөмбөгийн түүхийг Ювентусаас ангид авч үзэж болохгүй. Учир нь бид бол агуу баг. Тиймээс ямар ч тэмцээнд оролцсон бидний итгэл найдвар бөхдөггүй.

Италийн багууд Английнхаас муу байна гэж үү ? Үгүй дээ би тэгж бодохгүй байна. Англичуудын биднээс илүү юм нь мөнгө төгрөг нь л байх. Өөр юу ч биш.

Өрсөлдөгч багаа би асар их хөрөнгөөр боссон байлдааны онгоц гэж дүгнэмээр байна. Тэдний аймшигтай хүч эргээд сэргэчихсэн. Гэхдээ бидэнд айгаад байх зүйл алга. Үзсэн шиг л үзнэ.

Жерард Пике (Барса) : Манай багийн хувьд энэ улирал үнэхээр гайхалтай өрнөж байна. Бүх фронтдоо амжилттай давшиж байгаагийн дээр багийн тоглолт ч маш сайн байгаа.

Өөрийн эх орноо орхино гэдэг найз нөхөд, гэр бүл, амьдралаа орхиж байгаатай ялгаагүй. Каталонаас явахад надад яг л тийм мэдрэмж төрсөн. Харин өнгөрсөн зун эх орондоо эргэж ирэхэд ямар сайхан байсан гээч. Тийм мэдрэмжийг би МанЮ-тай Аврагуудын лигт түрүүлэхдээ ч мэдрээгүй.

Хүн болгон л ярьж байгаа болохоор өөр юу гэх вэ дээ. Бид Лионыг ялна гэдэгт би итггэлтэй байна. Яагаад гэдгийг гайхамшигт Ноу Камтдаа тэднийг хүлээж авнэ гэж тайлбарламаар байна.

Рафа (Ливерпуль) :  Мадридад ялснаар бүх зүйл дуусчихаагүй гэдгийг би тоглогчиддоо үргэлж сануулж байгаа. Реал бол сайн баг. Тиймээс ямар ч сюрприз барьж магадгүй.

Сер Фергусон (МанЮ) : Интер, Олд Траффордод пеналтиар ялалт байгуулахыг хүсэж байгаа байх. Угаасаа тэдний ялалт байгуулах ганц зам нь тэр юм чинь.

Английн багуудаас хамгийн хүнд байдалд байгаа нь Арсенал л юм уу даа. Рома тийм ч муу баг биш тэгээд ч талбайдаа тоглоно. Челсигийн хувьд яаж ийгээд дараагийн шатанд үлдэх байх гэж бодож байна.