Денвер Наггетсийн довтлогч Клейза шүүгчийг хэл амаар доромжилсноос 25,000 $-ийн торгуулийг хүлээжээ. Denver Post

Орландо Мэжикийн дасгалжуулагч Стэн Ван Ганди Никстэй хийсэн тоглолтын дараа “Тэд жил бүр л иймэрхүү ажиллагаа хийх юм, хэрвээ тэд үнэхээр л эдгээр тоглогчдыг хүндэлдэг юм бол яагаад Патрикд ажил санал болгоогүй юм бэ? Тэд Патрикийг жил бүр л ингэж өргөмжилдөг, энэ нь тасалбараа борлуулах нэгэн арга биз” хэмээн шүүмжилсэн байна. Учир нь энэ тоглолтын дундуур Нью Йорк Никс багт домог болсон 6 тоглогчдийг нийтэд танилцуулж, өргөмжлөл гардуулсан юм. Үүний хариуд Никсийн эзэн Дони Волш “Стэний талаар үнэхээр хэлэх үг олдохгүй байна, би өнгөрсөн үеийн сайхан түүхийг сануулж хүмүүсд илүү ойртуулахыг хүссэн, тэд ч үүнд баяртай байгаа” гэж хариулжээ.  NY Post

Лейкэрсийн дасгалжуулагч Фил Жексоний гэрээ 2010 онд дуусна. Түүхэнд нэрээ мөнхлөх 10 дахь удаагийн NBA-ийн аварга болоход ойрхон байгаа тэрээр “Би энэ жилийн сүүлээр тэтгэвэртээ гарах бодолтой байгаа” гэж хошигноод “Дасгалжуулах энэ ажил бол миний тэтгэврийн нэг хэсэг, хэн үзэсгэлэнт газруудаар аялж, загасчилж ууланд явахыг хүсэхгүй байх билээ, гэвч би хэзээд сагсан бөмбгийг дасгалжуулахад бэлэн” гэж 63 настай Фил өгүүлжээ.  Oklahoman

Гурван удаагийн all-star хамгаалагч Гилберт Аренас энэ бямба гарагт Вашингтон Детройтийг хүлээн авах тоглолтонд оролцоно гэдгээ Comcast SportsNet -д мессэжээр мэдэгдсэн байна. Мөн Вашингтон Постийн сэтгүүлчдэд “Энэ өдөр би талбайд гарах нь чин үнэн” гэж мэдэгджээ. Өнгөрсөн долоо хоногт Verizon center-д эрчимтэй бэлтгэл хийсэн Аренасын энэхүү мэдэгдлийг багийн дасгалжуулагч “энэ бол төлөвлөгөө, 100% баталж чадахгүй” гэсэн байна. Аренасын өвдөг нь одоогоор зовиургүй болсон бөгөөд түүний хамгийн санаа зовж буй асуудал нь тоглолтын форм, итгэл байгаа юм байна. Тэрээр би тоглолтын хэмнэлээ олж авахын тулд нэг тоглолтонд зөвхөн шидэлт хийж, нөгөө тоглолтонд зөвхөн цагираг руу довтолгоо хиймээр байна гэж хэлжээ. Гэхдээ Визардсийн эмч түүний талбайд тоглох хугацаа нь одоогоор 15 минутаас хэтрүүлж болохгүйг сануулжээ.   AP/Toronto Sun

Сперсийн довтлогч Ime Udoka -г багтайгаа ирэх жил үлдэх хэсгийг плей-оффд үзүүлэх түүний тоглолт харуулна гэж Сперсийн удирдлага үзэж байна. 2007 оны зун 2 сая орчим $-р 2 жилийн гэрээ байгуулсан түүний гэрээ энэ 7 сард дуусах юм.

Хьюстон Рокетс багийн ерөнхий менежэр Дарил Морей өнгөрсөн даваа гаригт D-league-ийн од тоглогч Жеймс Вайттай олон жилийн гэрээ байгуулсныг заралсан байна. “Хоёр тал хоёулаа үүнийг хүсч байсан, тэрээр багт ирснээсээ хойш сайн тоглож байгаа” гэж хэлжээ.  Houston Chronicle

Индиана Пейсэрсийн дасгалжуулагч Жим О’брейн хамгаалагч Жаррет Жакийг улирал дуустал гарааны тавд тоглуулахаар шийдсэн байна. Indianapolis Star

Даллас Маверикс ирэх улиралд тоглолтын тасалбрын үнийг хямдруулахаар заралсан NBA-ийн хамгийн сүүлийн баг болж байна. Багийн эзэн Марк Кубан энэ шийдвэрийг сар гаруйн өмнө гаргасан боловч өнгөрсөн даваа гаригт энэ мэдээ олны сонорт хүржээ. American Airlines Center-ийн бүх суудлын талаас илүү хувь нь хямдрах бололтой.  Dallas Morning News

Зак Рэндольф хуучин багийн анд  Марбуригийн талаар сэтгүүлчдэд “Түүний төлөө би баяртай байна, тэр Бостонд тусалж чадна” гэж Клипперс Селтиксд 77-90 харьцаатай ялагдсаны дараа өгүүлсэн байна. Марбуригийн Нью Йорк дахь нөхцөл байдлын талаар асуухад “Би энэ бүхнийг мэднэ, гэхдээ надад түүнтэй харилцахад асуудал байгаагүй” гэж хариулжээ.   Boston Herald

Indianapolis Star News-ийн мэдээлснээр Индиана Пейсэрс баг нь сүүлийн 10 жилийн 9-д нь алдагдалтай ажиллаж байгаа аж. Sacramento Bee-ийн мэдээлснээр энэ жил тус хотын баг 25 сая $ алдаж байгаа юм байна. Харин Шарлоттийн эзэн Роберт Жонсон 2003 оноос хойш нийтдээ 50 сая $ гаруйг алдсан нь тодорхой болжээ.  Oregonian

Кливленд Кавалерьсийн Леброн Жеймс, Нью-Орлеанс Хорнетсийн Крис Пол нар дорнод, өрнөд бүсийн долоо хоногийн шилдэг тоглогчоор шалгарчээ. 3 сарын 16-22 хооронд Жеймс дунджаар 30.3 оноо, 7.8 оновчтой дамжуулалт, 10.3 самбараас бөмбөг авалт, мөн 2.3 бөмбөг таслалт гүйцэтгэжээ.  Nba.com

Межикийн дасгалжуулагч Стэн Ван Ганди 2-р сарын дундуур мөрөндөө бэртэл авсан хамгаалагч Жамер Нельсонг энэ жилийн 8-р сар хүртэл бүтэн бэлтгэлд оролцох боломжгүй гэж мэдэгджээ. “Азаар 10 сард бидний ирэх улирлын тоглолтууд эхлэнэ” гэж Стэн ярьсан байна. Нельсон 2 сард мөрөндөө мэс засал хийлгэсэн юм.  Orlando Sentinel

Марко Яричийн эхнэр Бразилийн супермодель Адриана Лима Майами Хит, Мемфис Гризлес багуудын хооронд болсон тоглолтыг талбайн доод суудлаас үзэж сонирхсон байна. Memphis Commercial Appeal