Өнөөдөр ҮСБХ-ны 11 тоглолт боллоо.

Орландо Мэжик талбай дээрээ Бостон Селтиксийг хүлээн аван тоглосон тоглолт тун сонирхолтой болсон бөгөөд Орландо хожиж чадвал бүсдээ 2-р байранд бичигдэж боломжтой болох байлаа.

Энэ боломжийг талбайн эзэд алдсангүй ашиглаж, өрсөлдөөнтэй тоглолтын эцэст өнгөрсөн улирлын аваргуудыг хожив. Тоглолтын гол од нь Дуайт Ховард. Тэрээр 24 оноо, 21 самбараас авалт хийснээс гадна 3.6 секунд дутуу байхад оноог тэнцүүлэх боломжтой Пол Пирсийн довтолгоог блок шот хийн зогсоож, багаа хожилд хүргэсэн. Орландо ийнхүү хожоод зогсохгүй энэ улирлын Зүүн-өмнөд дивизионы аварга болох болзлоо хангажээ. Хэрэв багууд энэ байраа хадгалсаар плей-оффтой золгох аваас эдгээр багууд 2-р шатанд учраа таарах нигууртай. Тэр үед Орландо талбай дээрээ олон тоглолт хийх нь.

Плей-оффын төлөө өрсөлдөж байгаа Шарлотт өнөөдөр Вашингтонд хожигдох юм. Энэ улиралд лигийн хамгийн их буюу 56 хожигдол хүлээгээд байгаа, мөн гэмтэл бэртэлд нэрвэгдсэн, 8 тоглогч л тоглосон ч гэсэн Визардс Бобкэтсийг 2 оноогоор хожсон байна. Визардсын хамгаалагч Гилберт Аренас ирэх Бямба гаригт улирлын эхний тоглолтоо хийх нь хэвээрээ гэнэ. Гэхдээ тэрээр 15 орчим минут л тоглох байх.

Бүсдээ 10-р байранд бичигдэж байгаа Милоуки ч өнөөдөр хожигдлоо. Энэ улиралд сайн тоглохгүй байгаа Торонтод. Гол өрсөлдөгчид нь хожигдоод байгаа тул Чикакогийн боломж улам л нэмэгдэж байна.

Кливленд Кавальерс энэ улирлын 58 дахь хожлоо байгууллаа. Энэ нь тус багийн дээд амжилт болж байна. 1988-89, 1991-92 оны улирлуудад Кавальерс 57 хожиж байж. Улирлын тоглолт дуусахад Кавальерст 11 тоглолт үлдээд байгаа тул тэдний дээд амжилт хэд болох нь тодорхойгүй.

Ману Жинобили эргэн ирсэн ч хангалтгүй тоглож, багтаа бараг тусалж чадаагүй, Тим Данкан бүр тоглоочгүй боловч Тони Паркер багаа ялалтанд хүргэж дөнгөлөө. Тэрээр 42 оноо, 10 оновчтой дамжуулалт хийж, Спэрс Атлантаг талбайд нь хожсон байна. Данканыг дасгалжуулагч Попович 2 үдэш дараалан тоглуулахгүй гамнаж байгаа, мөн бага зэргийн гэмтлийг нь сэдрээхээс сэргийлж байгаа биз.

Кармело Энтони багаа тэргүүлэн 29 оноо авснаар Денвер энэ удаа Крис Пол тэргүүтэй Нью-Орлеансыг талбайд нь хожлоо. Өрнөд бүсэд дээгүүр байр эзлэхийн төлөө ширүүн өрсөлдөж байгаа нэлээн хэдэн багийн тоонд эдгээр багууд орж байгаа учраас хариуцлагатай тоглолт байсан нь гарцаагүй. Ямартаа л Кармело “Энэ улирлын хамгийн том хожил” гэж хэлж байхав. Денвер бүстээ 4-т, Хорнетс 5-д бичигдэж байна.

Финикс энэ улиралд анх удаа 6 дараалж хожлоо. Ютаг талбай дээрээ хожсон өнөөдрийн тоглолтонд лигт 14 жил тоглож байгаа, энэ хугацаандаа том гэмтэл олон авч байсан ахмад тоглогч Грант Хилл маш сайн тоглосон. Түүний 31 секунд дутуу байхад шидсэн шидэлт амжилттай болж, оноог тэнцүүлж, улмаар Санс хожжээ. Далласаас тэд одоо 3 хожлын дутуу, 3 хожигдлын илүү байна. Багуудад адилхан 11, 11 тоглолт үлдсэн байгаа.

Өнөөдөр болсон тоглолтууд:

“Кливленд” – “Нью-Жерси” – 98:87 (26:17, 18:23, 24:20, 30:27)

К: Л. Жеймс – 22 + 11 дамжуулалт + 8 самбар. Варежао – 16 + 11 самбар. Мо Уильямс – 16. Илгаускас – 16.

Н: В. Картер – 20. Ж. Хэйес – 18. Дулинг – 11 + 10 дамжуулалт.

“Атланта” – “Сан-Антонио” – 92:102 (22:28, 26:25, 26:21, 18:28)

А: Жо Жонсон – 30. Ф. Мюррэй – 15. Хорфорд – 7 + 13 самбар.

С: Т. Паркер – 42 + 10 дамжуулалт. Р. Мэйсон – 18.

“Вашингтон” – “Шарлотт” – 95:93 (24:29, 26:28, 23:14, 22:22)

В: Жэймисон – 27 + 8 самбар. Н. Янг – 23. Блэтч – 15. М. Жеймс – 15.

Ш: Ж. Уоллес – 21 + 11 самбар. Э. Окафор – 15. Огастин – 15.

“Индиана” – “Майами” – 90:88 (27:24, 21:25, 19:19, 23:20)

И: Д. Грэйнжер – 28. Ти. Жей. Форд – 20 + 9 самбар. Ж. Фосстер – 5 + 16 самбар.

М: Уэйд – 21 + 8 дамжуулалт. Хаслэм – 18 + 14 самбар.

“Торонто” – “Милуоки” – 115:106 (25:20, 40:24, 29:27, 21:35)

Т: Барньяни – 23. Кальдерон – 19 + 11 дамжуулалт. Бош – 18 + 14 самбар. Э. Паркер – 18.  М:Жефферсон – 22. Ч. Белл – 20. Сешнс – 18.

“Орландо” – “Бостон” – 84:82 (25:21, 22:18, 23:23, 14:20)

О: Дуайт Ховард – 24 + 21 самбар. Р. Льюис – 21.

Б: Пирс – 26. Р. Аллен – 16.

“Филадельфи” – “Миннесота” – 96:88 (14:16, 23:27, 28:19, 31:26)

Ф: Т. Янг – 29. Игуодала – 15. А. Миллер – 15.

М: Карни – 21. К. Смит – 20.

“Нью-Йорк” – “Клипперс” – 135:140 НЦ (44:28, 22:37, 27:30, 34:32, 8:13)

Н: Эл Харрингтон – 38. У. Чендлер – 22. Д. Ли – 18 + 13 самбар. Духон – 10 + 10 дамжуулалт.

К: М. Тэйлор – 35 + 8 самбар. З. Рэндольф – 33. Эл Торнтон – 21 + 9 самбар.

“Нью-Орлеан” – “Денвер” – 88:101 (21:28, 24:18, 23:31, 20:24)

Н: Пол – 19 + 13 дамжуулалт + 6 самбар. Дэв. Уэст – 18 + 8 самбар.

Д: Энтони – 29. Биллапс – 26 + 6 самбар + 6 дамжуулалт. Жи. Ар. Смит – 16.

“Даллас” – “Голден Стэйт” – 128:106 (37:26, 26:30, 32:27, 33:23)

Д: Новицки – 26. Ж. Терри – 26. Бареа – 20 + 7 дамжуулалт.

Г: Э. Морроу – 29. М. Эллис – 22.

“Финикс” – “Юта” – 118:114 (32:31, 20:27, 37:25, 29:31)

Ф: Г. Хилл – 26. Барнс – 21 + 9 самбар.  Ричардсон – 21.

Ю: Дэр. Уильямс – 25 + 10 дамжуулалт. Р. Брюэр – 17. Окур – 15 + 12 самбар. Корвер – 15.

Маргааш болох тоглолтууд.

Портленд – Финикс

Чикаго – Майами

Детройт – Лейкерс

Улирлын тоглолтын явц

Дорнод		т	хо	хд	%
Атлантийн далайн дивизион
1	Бостон	73	54	19	73,97
2	Филадельфи	70	37	33	52,86
3	Нью-Жерси	71	30	41	42,25
4	Нью-Йорк	71	28	43	39,44
5	Торонто	71	26	45	36,62
Төвийн дивизион
1	Кливленд	71	58	13	81,69
2	Детройт	70	34	36	48,57
3	Чикаго	72	34	38	47,22
4	Милуоки	72	31	41	43,06
5	Индиана	72	30	42	41,67
Зүүн-өмнөд дивизион
1	Орландо	71	53	18	74,65
2	Атланта	72	42	30	58,33
3	Майами	71	38	33	53,52
4	Шарлотт	71	31	40	43,66
5	Вашингтон	73	17	56	23,29
Өрнөд		И	В	П	%
Баруун-хойд  дивизион
1	Денвер	72	46	26	63,89
2	Портленд	71	44	27	61,97
3	Юта	71	44	27	61,97
4	Оклахома Сити	71	20	51	28,17
5	Миннесота	72	20	52	27,78
Номхон далайн дивизион
1	Л-А Лейкерс	70	56	14	80
2	Финикс	71	40	31	56,34
3	Голден Стэйт	72	25	47	34,74
4	Л-А Клипперс	72	18	54	25
5	Сакраменто	70	15	55	21,43
Баруун-өмнөд дивизион
1	Сан-Антонио	71	47	24	66,20
2	Хьюстон	73	47	26	64,38
3	Нью-Орлеан	70	44	26	62,86
4	Даллас	71	43	28	60,56
5	Мемфис	70	17	53	24,29