Өнөөдөр ҮСБХ-ны 8 тоглолт боллоо.

Вашингтон Визардсын хамгаалагч Гилберт Аренас өнгөрсөн оны 4-р сарын 27-ноос хойш анхны тоглолтондоо оролцов.

Аренас багийнхаа сүүлийн 173 тоглолтын 156-г нь гэмтлийн улмаас өнжөөд байсан бөгөөд 18 сарын хугацаанд 3 удаа өвдөгний мэс засалд орсон болно. Тэрээр 6 жилийн 111 сая долларын гэрээг хийснээсээ хойш анхны тоглолтоо өнөөдөр Детройт Пистонсын эсрэг хийж, муугүй тоглон 15 оноо авч, 10 оновчтой дамжуулалт хийв. Гэхдээ Дорнод бүсийн сүүлийн байранд бичигдэж байгаа Визардс мөн л хожиж дөнгөсөнгүй. Детройт хожсоноор 3 дараалсан хожигдлоо зогсоов. Детройтын хожилд сүүлийн 6 тоглолтын өнжөөд байсан Рип Хэмильтон гол үүрэг гүйцэтгэж, 31 оноо авсан байна. Детройт Хэмильтонгүй тэрхүү 6 тоглолтынхоо 5-д нь хожигдоод байлаа. Пистонс хожсоноор хожлын хувиараа бүсдээ 7-д бичигдлээ. Гэмтлийн улмаас 10 болон 16 тоглолт дараалан өнжөөд байгаа Рашид Уоллес, Аллен Айверсон нар ирэх долоо хоногоос тоглож эхлэх гэнэ.

Чикаго өнөөдөр Пейсерсийг хожиж, сүүлийн 2 жилд хамгийн олон буюу 4 дараалж хожлоо. Буллзын хожилд Жон Салмонс голлох үүргийг гүйцэтгэжээ.

Шарлотт өнөөдөр Никсийг хожсоноор плей-оффт шалгарах мөрөөдлөө хэвээр үлдээлээ. Жеральд Уоллес өөрийн төдийгүй Бобкэтс багийнхнаас анхын трипл-дабл хийхэд нэлээн дөхсөн байна. Тэд одоо 33 хожил, 40 хожигдолтой байгаа бөгөөд плей-оффт шалгардаггүй юм гэхэд Бобкэтсийн лигт элссэнээсээ хойш 2006-2007 оны улирлын 33-49 дээд амжилтыг эвдэх юм шиг байна.

Майамигийн 2006 онд аваргалж байсан бүрэлдэхүүнээс үлдсэн 2-хон тоглогчийн 1 Удонис Хаслем өнөөдөр Баксын эсрэг 16 оноо, 12 самбараас авалт хийж, өөрийн кареерийнхаа 100 дахь дабл-даблыг хийж, багийнхаа хожилд хувь нэмрээ орууллаа. Харин аваргын бөгжтэй нөгөө нэг тоглогч болох Дуэйн Уэйд 27 оноо авсан байна.

Рокитс өнөөдөр Клипперсийг амархан хожсон ч гэсэн тэдний сүүлийн 8 тоглолтын 5 нь айлын талбайд байх аж. Түүнээс гадна тун ч хүчирхэг өрсөлдөгчид Рокитсыг хүлээж байна. Лейкерс, Орландо, Портлэнд, Нью-Орлеанс болон Даллас багуудтай тоглож байж плей-оффт хэддүгээр байраар шалгараа шийдэх нь.  Рокитс өнөөдөр ялснаар 2 дахь улиралдаа дараалан талбай дээрээ 30-аас дээш хожил авлаа. Өмнө нь 1992-1993 оны улирал болон 1993-94 оны улиралд ийм амжилт үзүүлж байжээ.

Финикс 3-р үед Ютад 21 онооны зөрүүтэй хожигдож байсан ч оноог барин, үндсэн цагт хожингоо алдав. 4-р үе дуусахад 2 минут дутуу байхад Санс 7 онооны илүү болоод байлаа. Гэвч Юта үндсэн цагийн төгсгөлийг сайн хийж, оноог тэнцүүлэн нэмэлт цагт Сансыг 104:99-өөр хожлоо. Юта ийн талбай дээрээ 14 дараалж хожлоо. Харин Сансын плей-оффт үлдэх магадлал маш бага болж байна. Гэхдээ Шакил “Бүх зүйлд боломж бий” гэж мэдэгджээ.

Өнөөдөр болсон тоглолтуудын дүн:

“Вашингтон” – “Детройт” – 96:98 (26:29, 27:31, 19:24, 24:14)

В: Жеймисон – 21. Аренас – 15+10 дамжуулалт. Блатч – 15.

Д: Хэмилтон – 31. Принс – 19. Стаки – 12.

“Шарлотт” – “Нью-Йорк” – 96:85 (20:27, 30:17, 23:23, 23:18)

Ш: Ж. Уоллес – 23+8 дамжуулалт+9 самбар. Огастин – 19. Белл – 14+8 самбар.

Н: Чандлер – 18+9 самбар. Харрингтон – 18. Ли – 14+10 самбар.

“Майами” – “Милуоки” – 102:85 (28:23, 30:20, 19:20, 25:22)

Май: Уэйд – 27. Хаслем – 16+12 самбар. Бисли – 11. Джонс – 11.

Мил: Жефферсон – 32. Гадзурич – 18+12 самбар. Сешьнс – 10+8 дамжуулалт.

“Хьюстон” – “Клипперс” – 110:93 (30:17, 27:19, 28:23, 25:34)

Х: Яо Мин – 21+15 самбар. Брукс – 21. Баттье – 15.

К: Э. Гордон – 17. Каман – 16. Рэндолф – 12+8 самбар. Торнтон – 12.

“Чикаго” – “Индиана” – 112:106 (21:35, 33:23, 33:24, 25:24)

Ч: Б. Гордон – 25. Сэлмонс – 22. Томас – 18+8 самбар.

И: Грэйнжер – 32. Раш – 29. Форд – 14.

“Денвер” – “Голден Стэйт” – 129:116 (28:27, 38:30, 38:17, 25:42)

Д: Энтони – 31. Клейза – 22. Биллапс – 14.

Г: Кроуфорд – 30. Азубуике – 21+9 самбар. Морроу – 18.

“Портленд” – “Мемфис” – 86:66 (25:16, 23:20, 20:11, 18:19)

П: Рой – 21+8 самбар. Олдриж – 18. Оден – 12+9 самбар.

М: Майо – 12. Гэй – 10. М. Газоль – 10.

“Юта” – “Финикс” – 104:99 OT (27:24, 25:11, 17:23, 21:32, 14:9)

Ю: Окур – 26+11 самбар. Дер. Уильямс – 21+12 дамжуулалт. Бузер – 14+10 самбар.

Ф: Нэш – 20. Хилл – 19+8 самбар. Ш. О’Нил – 16+10 самбар.