2009 оны 6-р сарын 25-ны оройн 7 цагт (Нью-Йоркийн цагаар) Нью-Йорк хотын алдарт Madison Square Garden-д энэ жилийн драфтийн үйл ажиллагаа явагдана. Одоогоор тоглогчид NBA-д элсэхээр бүрэн нэрээ бүртгүүлээгүй  байгаа ч урьдчилсан байдлаар nbadraft.com сайтанд ийнхүү жагсаажээ. Ингээд эхний ээлжинд плей-оффт шалгарч чадаагүй 14 багт харгалзах тоглогчдыг хүргэж байна. Улирлын тоглолт хараахан дуусаагүй учир багуудын нэрс өөрчлөгдөх боломжтойг анхаарна уу.

Харин sports.espn.go.com-ийн мэдээлснээр Испаний од Рики Рубиог топ 5-д жагсаасан байлаа, гэвч өнөөдрийн байдлаар албан ёсоор Рубио NBA-ийн драфтын оффисд бүртгэгдээгүй байгаа юм байна.

1		Sacramento	Blake Griffin	PF
2		Washington	Hasheem Thabeet	C
3		LA Clippers	Jordan Hill	PF
4		Memphis	James Harden	SG
5		*Minnesota	Brandon Jennings	PG
6		Oklahoma Cty	Demar DeRozan	SG
7		Golden St.	Earl Clark	SF
8		Toronto	Gerald Henderson	SG
9		*New York	Al-Farouq Aminu	SF
10		Indiana	Craig Brackins	PF
11		New Jersey	Chase Budinger	SG/SF
12		Milwaukee	Eric Maynor	PG
13		Charlotte	Willie Warren	PG/SG
14		Phoenix	Sam Young	SF

Драфтын лотто буюу түүний түүхээс

Хамгийн анхны Драфтын лоттог NBA анх 1985 онд зохион байгуулж тухайн үед анхны №1 эрхийг Нью-Йорк Никс баг эзэмших эрхтэй болсноор домогт тоглогч Патрик Юингийг сонгож байжээ. Тухайн жилээс өмнө №1 эрхийг Өрнөд ба Дорнод бүсийн хамгийн муу амжилттай хоёр баг зоос шидэх зарчмаар шийдвэрлэдэг байв. Хамгийн сүүлийн зоос шидэлт 1984 онд болоход Хьюстон Рокетс баг ялж, Хаким Олажюваныг сонгосон гэдэг. Гэвч анхны лотто маш олон эсэргүүцэл, шүүмжлэл дунд явагдав, учир нь тухайн жилийн (1985) хамгийн муу амжилттай байсан Голден Стэйт дөнгөж 7-дахь сонголтыг эзэмших эрх авсан юм.

Үүнээс болж 1986 онд маш олон багууд драфтийн эрхээ хоорондоо худалдсанаас топ 2 сонголтыг плей-оффт шалгарсан багууд эзэмших болов, тухайлбал 2 дахь сонголт хийх эрхийг өнгөрсөн жилийн аварга Бостон Селтикс,  №1 эрхийг Филадельфи авсан байна. Сонирхолтой нь Селтиксийн сонгосон тоглогч Len Bias, тоглолтын арга барил, техникийг нь Майкл Жордантай харьцуулж байсан хэдий ч драфтлагдсан өдрөөсөө 2 хоногийн дараа кокайныг өндөр тунгаар хэрэглэснээс нас барж байжээ.

1987 онд лоттог зөвхөн топ 3 сонголтонд явуулахаар NBA шийдвэрлэв, энэ нь улирлын хамгийн муу амжилттай баг доод тал нь буюу хамгийн азгүйтлээ гэхэд 4-дэхь сонголтыг эзэмших эрхтэй байх нөхцөлийг бүрдүүлсэн юм.

1990 оноос лоттоны зарчмыг хамгийн муу амжилттай баг №1 эрхийг авах хамгийн өндөр магадлалтай байхаар өөрчлөв. Энэхүү өөрчлөлт нь өдгөө мөрдөгдөж буй зарчмын үндэс байсан юм. Гэсэн хэдий ч Орландо Мэжик 1992, 1993 оны драфтад дарааллан №1 эрхийг эзэмшсэн байдаг. 1993 онд лоттонд ялахдаа №1 эрхийг авах магадлал нь ердөө 0.5% байжээ.

1994 оноос одоогийн лоттогийн дүрэм мөрдөгдөж буй бөгөөд хамгийн муу амжилттай баг 1 дэхь эрхийг авах магадлал эхний сонголтонд 25% буюу хамгийн өндөр байхаар болсон байна.

14 багийн улирлын амжилтаас шалтгаалж №1 эрхийг эзэмших лоттоны магадлалыг хувиар үзүүлбэл:

1. 250 хувилбар, 25.0%

2. 199 хувилбар, 19.9%

3. 156 хувилбар, 15.6%

4. 119 хувилбар, 11.9%

5. 88 хувилбар, 8.8%

6. 63 хувилбар, 6.3%

7. 43 хувилбар, 4.3%

8. 28 хувилбар, 2.8%

9. 17 хувилбар, 1.7%

10. 11 хувилбар, 1.1%

11. 8 хувилбар, 0.8%

12. 7 хувилбар, 0.7%

13. 6 хувилбар, 0.6%

14. 5 хувилбар, 0.5%

Өнгөрсөн жил лоттонд ялалт байгуулсан Чикаго Буллз улирлын амжилтаасаа шалтгаалж 9-р байранд байхдаа №1-ийг хожих магадлал нь ердөө 1.7% байсан ч ялж байсныг бид бүхэн мэднэ. Энэ жилийн лотто 5-р сарын 4 дэхь долоо хоногт явагдах бөгөөд драфтад оролцох АНУ-ын иргэн тоглогчид доод тал нь 1 жил high school-д суралцсан, 1990 оны 12 сарын 31-ээс өмнө төрсөн байх шаардлагатай. Мөн  тамирчдын драфтад бүртгүүлэх  эцсийн хугацаа нь энэ жилийн хувьд 2009 оны 4 сарын 26 юм байна.

Дараагийн дугаараас энэхүү 14 тамирчны танилцуулгыг цувралаар хүргэх болно.

Source:”Via en.wikipedia.org”