Чөлөөт бөхийн насанд хүрэгчдийн улсын аварга шалгаруулах тэмцээн Монгол Бөхийн Өргөөнд гурван өдөр үргэлжлэн явагдаж дүнгээ гаргалаа. Ирэх олимпийн циклийг шинжсэн энэ тэмцээн залуучууд давамгайлсаар өндөрлөв. Улсын шигшээгээ төлөөлөн олон улсын тэмцээнүүдэд оролцдог жин жингийн манлай бөхчүүд бүдэрцгээлээ. Өмнө нь хэлж байснаар зохион байгуулалт үнэхээр сайхан боллоо. Холбооны шинэ удирдлага, шинэ аппаратын анхны даалгавар өөрсдөөс нь шалтгаалах зүйлүүд хангалттай байсан юм.

Гэвч нөгөө талаар тэдэнд ирэх дөрвөн жилд хийх ажил тун их буйг харуулсан тэмцээн боллоо. Өнөөх л тамирчид, дасгалжуулагчдын сахилгагүйтэл, ёс зүй энэ тэмцээн дээр бүх хүний өмнө ил болсон. Барилдаан дуусаад дасгалжуулагч шүүгчид дээр ирж элдэв янзын хараал, заналт хэлэх юу ч биш байсан гэхэд хилсдэхгүй. Барилдаан болгоны дараа ийм өнгө аяс мэдрэгдэнэ. 60 кг-ийн жингийн нэгэн барилдаан дээр бүр нэг тамирчин нь нөгөөгөө дэвжээн дээр нүүр рүү нь өшиглөсөн тохиолдол гарлаа.

Чөлөөт бөхийн холбооныхондоо, нийт тамирчид, дасгалжуулагчиддаа амжилт хүсье!

Тэмцээний дүн

(бусад жингийн дүнг энд даран харна уу)

Эрэгтэй

60 кг  – 1. Б.Мандахнаран (Алдар) 2. Г.Нэмэхбаяр (Олимп сургууль) 3. Л.Төрбат (Арслан), Э.Ням-Очир (Арслан)

74 кг – 1. Д.Гомбодорж (Хүч) 2. Т.Одбаяр (Арслан) 3. М.Мэндсайхан (Алдар), Б.Болорцогт (Алдар)

120 кг – 1. Ж.Чулуунбат (Арслан) 2. Б.Одгэрэл (Дархан) 3. Б.Сайнбаяр (Хүч), Н.Бүрэнбаатар (Хилчин)

84 кг – 1. Д.Түгждорж (Дархан) 2. Н.Цэрэнчунт (Хүч) 3. Ч.Ганзориг (Хүч), Л.Шинэбаатар (Алдар)

96 кг – 1. Т.Энх-Амгалан (Арслан) 2. Я.Алтантулга (Арслан) 3. Т.Энхтуяа (Ажнай), Ж.Бат-Эрдэнэ (Хилчин)

Эмэгтэй

51 кг  – 1. Д.Отгонцэцэг (Дархан) 2. Ц.Энхжаргал (Замчин) 3. Л.Дэлгэрэх (БЗД), С.Солонгогэрэл (БЗД)

63 кг – 1. Ш.Түмэнцэцэг (Замчин) 2. Ц.Баярзаяа (Дархан) 3. Н.Сүнжидмаа (Хилчин), А.Чанцалнямаа (Хүч)

59 кг – 1. С.Батцэцэг (Замчин) 2. Э.Цэвэгмэд (Алдар) 3. С.Мөнхтуяа (Аварга), Ц.Отгонтөгс (Алдар)

72 кг – 1. О.Бурмаа (Хүч) 2. Б.Наранчимэг (Дархан) 3. М.Батбилэг (ҮБТДС), Г.Наранчимэг (Замчин)