Дөрөвдүгээр сарын 1-2-нд Испанийн нийслэл Мадридад Олон улсын хүндийг өргөлтийн холбооны (IWF) сонгуульт конгресс боллоо. Үүнд 132 орны төлөөлөгч оролцсон нь тус холбооны түүхэнд урьд дуулдаагүй тоо аж. Манай улсаас уг конгресст МХӨХ-ны ерөнхий нарийн бичгийн дарга Б.Гансүх төлөөлөгчөөр оролцсон.

Лондонгийн олимпийн циклд ажиллах удирдах бүрэлдэхүүний сонгууль болоход Унгарын иргэн Тамаш Аян ерөнхийлөгчийн албанд улиран сонгогдов. Тэрбээр 2000 оноос хойш энэ албан тушаалыг хашиж буй юм. IWF-ийн ерөнхий нарийн бичгийн даргын төлөө Хятадын Ма Венгуан, Францын Жан-Пол Булгарде нар нэрээ дэвшүүлэхэд нанхиад эр 68:59-өөр яллаа.

Тэргүүн дэд ерөнхийлөгч Чан Чао Күо (Тайвань)
Дэд ерөнхийлөгчид Нику Влад (Румын)
Хасан Аккус (Турк)
Сэм Коффа (Австрали)
Зигмут Васиела (Польш)