Өнөөдөр ҮСБХ-ны 7 тоглолт болов.

2004 оны шуугиант зодооноос хойш Детройт – Индиана багууд томоохон ривалууд болсон бөгөөд өнөөдөр дээрх багууд хоорондоо тоглож, плей-оффоос нэгэнт хасагдсан Пейсерс 8-р байраа ахиулж, плей-оффт Кливлендээс өөр багтай таарах зорилготой байгаа Пистонсыг талбай дээрээ хожлоо. Ингэснээр Пистонс 7-д бичигдэж байгаа Буллзээс 1 хожлын дутуу, 1 хожигдлын илүү болж байна. Америкийн цагаар даваа гаригт Буллз-Пистонс багууд хоорондоо тоглоно.

Нью Жерси өнөөдөр Орландог хожсоноор Мэжикийн бүсдээ 2-р байраар плей-оффт орох боломжийг нь үгүй хийлээ. Орландо 2 дараалж, мөн сүүлийн 4 тоглолтынхоо 3-т нь хожигдлоо. Бүтэн улиралд сайн тоглочхоод яг плей-офф эхлэхийн өмнө формоо алдаж байгаа юм биш биз. Энэ тоглолтонд Рашард Льюис гэмтлийн улмаас тоглоогүй бөгөөд дараагийн тоглолтыг ч өнжиж магадгүй гэнэ.

Финикс Санс сүүлийн 5 улиралд анх удаа плей-оффын гадна үлдэж байгаа бөгөөд улирлын үлдсэн тоглолтууддаа нөөц тоглогчдоо олон минут тоглуулж байгаа. Өнөөдөр Санс Миннесотаг хожход лигт 14 жил тоглож байгаа ахмад довтлогч Грант Хилл залуу тоглогчдодоо үлгэр жишээ харуулан, 23-хан минутанд 19 оноо авч багаа тэргүүлжээ.

Буллз өнөөдөр Шарлоттыг хожсоноор 40 хожил, 40 хожигдолтой боллоо. Өнгөрсөн оны 11 сарын дунд үеэс хойш анх удаа Буллзын хожлын хувь 50-д хүрч байна. Буллзээс өнөөдөр Бен Гордон 39 оноо авч багаа тэргүүлсэн бөгөөд тэд 4 дараалан хожлоо. Мөн сүүлийн 14 тоглолтынхоо 11-т нь хожиж, бүсдээ 7-д бичигдэж байна.

Ричард Жефферсон улирлын хамгийн өндөр 35 оноогоо дахин авснаар Бакс талбай дээрээ Оклахомаг хожлоо. Бакс энэ улиралд “Брэдли центр”-тээ 21 хожиж, 19 хожигдоод байгаа бөгөөд дахиад 1 тоглолт дутуу ч ямар ч байсан талбай дээрээ 50-аас дээш хувийн хожилтой улирлыг өндөрлөх нь тодорхой боллоо. Гэхдээ энэ улиралд Милоукигийн талбайдаа хийсэн 40 тоглолтын 2-т нь л бүх тасалбар нь зарагдаж байсан нь чамлалттай. Тэдний өнөөдрийн өрсөлдөгч, лигийн шинэ баг Оклахомагийн талбайдаа хийсэн тоглолтуудаас 18-д нь бүх тасалбар нь зарагдаж байсан байна. Уг нь Бакс 3 сарын эхэнд плей-оффт оролцох боломжтой байсан ч Майкл Редд, Эндрью Богут нарын гэмтлээс болж ээлжит удаагаа плей-оффын гадна үлдэж байна.

8-р байрнаасаа салах шаардлагатай байгаа Юта өнөөдөр талбай дээрээ гэмтэл бэртэлгүй 7-хон тоглогчтой  Голден Стэйтийг барсангүй. Уг нь Белинелли Уириорзын 8 дахь тоглогч нь болж, нөөцийн сандалд сууж байсан ч үнэн хэрэгтээ тэрээр тоглолтонд оролцох болмжгүй гэмтэлтэй байсан. Харин улирал дуусахад 2-хон тоглолт үлдээд буй энэ үед Юта байраа ахиулах нь тун ч хэцүү болж байгаа бөгөөд плей-оффт Лейкерстэй тоглох бололтой.

Өчигдөр Лейкерсийг талбайдаа сайхан хожсон Портлэнд өнөөдөр Лос Анжелест ирж, энэ хотын нөгөө нэг баг Клипперсийг хожсоноор 4 дэх дараалсан хожлоо авлаа. Өрнөдөд 3,4-р байранд байгаа Рокитс, Портлэндийн амжилт адилхан болсон бөгөөд 2-т бичигдэж байгаа Денвер тэднээс нэг хожлын л илүү байна.

Өнөөдөр болсон тоглолтуудын дүн

“Индиана” – “Детройт” – 106:102 (28:27, 24:22, 26:24, 28:29)

И: Грэйнжер – 24. Б.Раш – 21. Жэк – 18. Форд – 18.

Д: Хэмилтон – 23. Принс – 18. Макдайесс – 16 + 15 самбар. Байнэм – 16.

“Нью-Жерси” – “Орландо” – 103:93 (28:24, 29:23, 26:27, 20:19)

Н: В.Картер – 27 + 9 дамжуулалт. Б.Лопес – 13 + 11 самбар. Дулинг – 12 + 10 дамжуулалт.

О: Тюркоглу – 16. Бэтти – 14. Петрюс – 14.

“Миннесота” – “Финикс” – 97:110 (8:31, 35:26, 21:24, 33:29)

М: Телфэйр – 21. Карни – 17. Гомес – 13.

Ф: Хилл – 19. Дадли – 16. Барбоза – 16.

“Милуоки” – “Оклахома-Сити” – 115:98 (22:24, 34:27, 37:21, 22:26)

М: Р.Жефферсон – 35 + 9 самбар. Риднур – 18 + 8 дамжуулалт. Виллануэва – 14 + 9 самбар.

О: Дюрант – 19. Ливингстон – 14. Уэстбрук – 13.

“Чикаго” – “Шарлотт” – 113:106 (30:23, 22:27, 26:33, 35:23)

Ч: Б.Гордон – 39. Д.Роуз – 22. Сэлмонз – 19.

Ш: Фелтон – 26. Диау – 24 + 10 самбар. Агустин – 15 + 8 дамжуулалт.

“Юта” – “Голден Стэйт” – 108:118 (31:28, 20:36, 25:29, 32:25)

Ю: Д.Уильямс – 26 + 14 дамжуулалт. Бузер – 25 + 12 самбар. Окур – 18.

Г: Си Жей Уотсон – 38 + 9 дамжуулалт. Курц – 21. Азубуйке – 18.

“Клипперс” – “Портленд” – 72:87 (17:17, 14:29, 25:17, 16:24)

К: Э.Гордон – 18. З.Рэндолф – 13. Б.Дэвис – 12.

П: Олдридж – 21 + 9 самбар. Рой – 15. Прзибилла – 10 + 14 самбар. Блэйк – 10.

Маргааш болох тоглолтууд:

Нью-Орлеан – Даллас

Кливленд – Бостон

Майами – Нью-Йорк

Торонто – Филадельфи

Сакраменто – Сан-Антонио

Лейкерс – Мемфис