Дөрөвдүгээр сарын 25-наас тавдугаар сарын 3-нд Тайландын Бангкок хотноо болох Азийн тулааны спортын анхдугаар наадамд манай дөрвөн жүдоч зодоглохоор болжээ. IJF-ийн албан ёсны календарьт багтаагүй хэмээн Олон улсын холбооноос үндэсний холбоодод тамирчдаа оролцуулахгүй байх үүрэг өгч байсан ч саяхан зөвшөөрөл олгосон аж.

“Бангкок-2009”-д ОУХМ Д.Төмөрхүлэг (60 кг), Б.Тэмүүлэн (-100 кг, хоёул “Женко”), Д.Дөлгөөн (66 кг, “Хангарьд”), спортын мастер О.Ууганбаатар (81 кг, “Алдар”) нар хүч үзэх ба дасгалжуулагчаар гавъяат тамирчин Д.Баттулга, Д.Нармандах, албаны хүнээр МЖБХ-ны генсек М.Бөхбат, сургалт хариуцсан захирал Б.Пагва нар явна.