Хөлбөмбөгийн хамгийн классик гэж хэлж болохоор тоглолт Стэмфорд Бриджэд явагдаж өнгөрлөө. Өмнөх тоглолтонд талбай дээрээ 3-1ээр хожигдсон Ливерпульчууд ямар сюрпризийг тарих болвуу яах бол гэсэн бодол хүн болгон тээж байсан нь тодорхой. Ямар ч байсан Челсиг хожино хэмээн олонх нь таамаглаж байсан.

Энэ тоглолтонд Ливерпулийн эрдэнэ С.Жеррард цавиндаа авсан гэмтлийн улмаас тоглохгүй болсон нь Ливерпулийн хувьд маш том гарз байлаа. Гэлээ гэхдээ тэд өнгөрсөн бямба гарагт Жеррардгүйгээр Блакбэрнийг 4-0-ээр хожсон байсан тул тэдний сэтгэлзүй бэлтгэлтэй байсан биз. Харин Терри өмнөх тоглолтонд шар хуудас авснаар энэ тоглолтыг өнжих болсон нь хамгаалах шаардлагатай Челсигийн хувьд том гарз болсон.

Английн дуүгийн тоглолтонд ийм олон гоол орно гэж төсөөлж байсан хүн цөөн болов уу. Гэтэл тоглолт эхлээд Фабио Аурелиогийн гайхамшигт чөлөөт цохилт, Хави Алонзогийн пенальти нар гоол болсноор бүх зүйл эхлэлээ. Хоёрдугаар үе эхлээд харин Анелькагийн дамжуулалтыг Дрогба чиглэлийг нь өөрчилж Рейна өөрийнхөө хаалганд бөмбөг хийснээр тоо ойртож, тун удалгүй Алекс чөлөөт цохилтоос “цөм” цохиж, түүнээс 20 орчим минутын дараа Лампард гоол хийн 3-2 оор Челси тэргүүлж эхлэлээ. Гэтэл Ливерпуль бууж өгөх болоогүй юмсанж. 81 дэх минутад Лукас Лейва, 83 дахь минутад Дирк Кайт хоёр хүний дундаас гоёмсог мөргөлт хийн 4-3аар Ливерпуль тэргүүлж эхлэв. Нэмж нэг гоол хийвэл Ливерпуль хожих байсан энэ үед Лампард 89 дэх минутад дахин гоол хийснээр тооны харьцаа 4-4 боллоо. Нийлбэр дүн  7-5: Стэмфордын гүүрэн дээр гоолон бороо орох нь тэр ээ. Гайхалтай төгсгөл. Догдлуулсан сүүлийн хэдэн минут. Ийнхүү Челси 4 сарын 28-нд Ноу Кампад, 5 сарын 6-нд Стэмфорд Бриджэд шөвгийн дөрөвт хүч үзэхээр боллоо. Тэл сүүлийн 6 жилд 5 дахь удаагаа шөвгийн дөрөвт үлдэж байгаа юм.

“Челси” (Англи) – “Ливерпуль” (Англи) – 4:4 (0:2)

Гоол: Фабиу Аурелиу, 19 (0:1). Хаби Алонсо, 28 – с пенальти (0:2). Дрогба, 51 (1:2). Алекс, 57 (2:2). Лэмпард, 76 (3:2). Лукас Лейва, 81 (3:3). Кайт, 83 (3:4). Лэмпард, 89 (4:4).

“Челси”: Чех, Иванович, Алекс, Рикарду Карвалью, Э. Коул, Баллак, Эссьен, Лэмпард, Малуда (Анелька, 36), Малуда, Дрогба (Ди Санто, 90+4).

“Ливерпуль”: Рейна, Арбелоа (Бабел, 85), Каррагер, Шкртел, Фабиу Аурелиу, Лукас Лейва, Маскерано (Риера, 69), Хаби Алонсо, Кайт, Бенаюн, Фернандо Торрес (Н’Гог, 80).

Шүүгч: Медина Канталехо (Испани).

Эхний тоглолт – 3:1.

Эсрэг талд харин Германчууд битүүхэн шуугиан тарьчих санаатай Алльянздаа хүлээж байлаа. Барсагийнхан ч өмнөх тоглолтонд 4-0ээр хожсон шинжгүй хаширлан бүх гарааны багаа талбайд илгээжээ. Баварийн хамгаалагчдын эргэн ирэлт Барсагийн довтолгоог сайн няцааж байв. Ноу Кампад Месси, Это’О, Анри нар дураараа пургиж байсан бол энэ удаа Лаам, Лусиу нар тэднийг хөдөлгөсөнгүй. Тоглолт эхлээд гоол хийх зорилготой байсан Клинсманы төлөвлөгөө биелэх дөхсөн ч Тонигийн мөргөсөн бөмбөг амжилтгүй болж, Зе Робертогийн цохилт гоол орсонгүй. Нэгдүгээр үе гоолгүй дуусан Баварийн хувьд итгэл найдвар улам бүр холдсоор байсан юм. Тоглолтын хоёрдугаар үеийн эхэнд Рибери гоол хийн тэргүүлж эхэлсэн боловч 73 дахь минутад Кейта гоол хийн тоглолтын хувь заяа бүр мөсөн шийдэгдсэн. Энэ тоглолтын шилдэг тоглогч нь Франк Рибери байлаа.

“Бавари” (Герман) – “Барселона” (Испани) – 1:1 (0:0)

Гоол: Рибери, 47 (1:0). Сей. Кейта, 73 (1:1).

“Бавари”: Бутт, Лелль, Лусиу, Демикелис, Лам, ван Боммел, Оттль, Соса (Х. Алтынтоп, 78), Зе Роберту (Боровски, 78), Рибери, Тони.

“Барселона”: Виктор Вальдес, Абидаль, Пике, Пуйоль, Даниэл Алвес, Яя Туре, Сей. Кейта, Хави, Иньеста (Глеб, 78), Месси, Это’О.

Шүүгч: Розетти (Итали).

Эхний тоглолт – 0:4.