Монте Карло мастерс тэмцээний аваргын төлөө Рафаель Надаль-Новак Жокович нар тунан үлдлээ. Надалийн хувьд тэмцээний шөвгийн наймд Хорватын Иван Лубичичийг (6-3 6-3) хагас шигшээд Энди Мюррэйг (6-2 7-6) мулталсан бол Новак, Испаний Фернандо Вердоска (6-2 4-6 6-3), Швейцарийн Вавранка (4-6 6-1 6-2) нарыг буулган авч финалд үлджээ. Чансааны 13-т эрэмбэлэгдсэн Вавранка  3-р шатанд  нутаг нэгт Рожер Федерерийг6-4 7-5-р ялж шуугиан тариад байсан юм. Жокович ялалтынхаа дараа “Түүний Фед-г хожсон тоглолтыг нь үзсэн. Тиймээс би тоглолтын эхний үед бага зэрэг хамгаалж тоглосон. Ер нь алдаа гаргахыг нь хүлээж байлаа. Эцэст нь миний тактик амжилтанд хүрч финалд шалгарлаа. Одоо Надалийн эсрэг чадах бүхнээ хийнэ” гэжээ.