“Формула-1″ ангиллын дэлхийн аварга шалгаруулах тэмцээний 3 дахь гараа болох Шанхайн гран-пригийн байрлал тогтоох уралдаанд Ред Булл багийн Себастьян Феттель хамгийн хурдан цагийг үзүүлснээр Ням гаригийн жинхэнэ уралдааны тэргүүн шугамнаас гараа хийх боллоо.

21 настай Герман залуу өнгөрсөн оны ДАШТ-д Монцагийн гарааны байрлал тогтоох уралдаанд ялалт байгуулаад, тэр эрчээрээ жинхэнэ уралдаанд түрүүлж байлаа.

“Би маш их баяртай байна. Бид поул позишнд түрүүлж чадсанд итгэхэд хэцүү. Өнөө өглөө л гэхэд машинд проблем байсан ч манай багийнхан, механикууд үнэхээр сайн ажиллалаа. Тэд бүхэл шөнийн турш ажилласан ” хэмээн Феттель поул позишн авсныхаа дараа хэлжээ.

Одоогоор  4 оноотой байгаа дэлхийн хошой аварга Фернандо Алонсогийн машин өмнөхөө бодвол харьцангуй сайжирсан бололтой, 2 дахь хурдан цагийг үзүүлжээ.

Марк Уэббэр 3-т зогсох болсон бөгөөд Ред Булл багийн хувьд тун сайхан өдөр болж өнгөрлөө, Бямба гариг.

ДАШТ-ыг тэргүүлж байгаа Женсон Баттон 3 дахь гараандаа дараалан түрүүлэх боломжтой л юм, 5-р байр тийм ч муу үзүүлэлт биш. Гэхдээ тэр энэ улиралд анх удаа багийн анд Рубенс Барикеллогоосоо муу цагийг байрлал тогтоох уралдаанд үзүүлжээ. Рубенс 2-р эгнээнд буюу 4-р байраар гараа хийнэ.

Ферраригийн Кими Райкконен энэ улиралд анх удаа Шанхайд KERS-гүй уралдаж байгаа ч төдийлөн сайжирсангүй. Тэрээр поул позишнд 8-р байр эзэлжээ. Харин Фелипе Масса бүр хаа байсан 13-т оржээ.

Дэлхийн аварга Льюис Хэмилтон оров. Хэмильтон болон түүний МакЛарен бэлтгэлийн уралдаануудад тун хурдан байсан ч поулд санасныг бодоход муу давхилаа. Энэ долоо хоногт ФИА-аас хос диффузорыг дүрэм зөрчөөгүй тул багууд хэрэглэхэд саадгүй гэсэн шийдвэр гаргаснаас хойш МакЛарен, Рено багууд машинаа өөрчилж, хос диффузор тавиад байгаа болно.

Ням гаригт ямар дарааллаар гараанаас гарахыг сонирхуулъя.

Хятадын Гран-при. Байрлал тогтоох уралдааны дүн:

1. Себастьян Феттель (“Ред Булл”) – 1:36,184
2. Фернандо Алонсо (“Рено”) – 1:36,381
3. Марк Уэббер (“Ред Булл”) – 1:36,466

4. Рубенс Баррикелло (“Браун”) – 1:36,493
5. Женсон Баттон (“Браун”) – 1:36,532
6. Ярно Трулли (“Тойота”) – 1:36,835
7. Нико Росберг (“Уильямс”) – 1:37,397
8. Кими Райкконен (“Феррари”) – 1:38,089
9. Льюис Хэмилтон (“Макларен”) – 1:38,595
10. Себастьен Буэми (“Торо Россо”) – 1:39,321
11. Ник Хайдфельд (“БМВ-Заубер”) – 1:35,975
12. Хейкки Ковалайнен (“Макларен”) – 1:36,032
13. Фелипе Масса (“Феррари”) – 1:36,033
14. Тимо Глок (“Тойота”) – 1:36,066
15. Казуки Накажима (“Уильямс”) – 1:36,193
16. Себастьен Бурдэ (“Торо Россо”) – 1:36,906
17. Нельсон Пике (“Рено”) – 1:36,908
18. Роберт Кубица (“БМВ-Заубер”) – 1:36,966
19. Адриан Сутил (“Форс Индиа”) – 1:37,669
20. Жанкарло Физикелла (“Форс Индиа”) – 1:37,672