Италийн Сери А-н 32-р тойргийн гол тоглолт Derby D’Italia буюу Ювентус-Интер багуудын тулаан байлаа. Италийн дээд лиг үүсгэн байгуулагдсанаас хойш энэ хоёр баг нийт 210 удаа тулж байсан  бөгөөд үүний 92-т нь Юве, 66-д нь Интер ялалт байгуулж үлдсэн 52 тоглолт нь эвийн гэрээгээр өндөрлөж байсан аж. Жосе Моуриньо өөрсдийнх нь  араас хамгийн ойрхон нэхэж байгаа өрсөлдөгчдөө боломж олголгүй ”бутниргэхээр” шийдсэн нь гарааны бүрэлдэхүүнээс нь л харагдаж байлаа. Тоглолтын эхний хагаст ерөнхийдөө талбайн эзэд бага зэрэг давамгайлж байсан ч үүнийгээ гоолоор баталгаажуулж чадсангүй. Үүндээ шатсан тэд хоёрдугаар хагаст довтолгоондоо хэтэрхий анхаарснаас Интерийн сөрөг давшилтанд өртөж 63 дахь минутад ”Супер Марио”-гийн гоолыг алдаж хүндхэн байдал орсон юм . Дээрээс нь 76 дахь минутаас тэд талбай дээр 10-уула үлдсэн нь байдлыг бүр ч эгзэгтэй болгож орхилоо. Гэвч цаг дуусах мөч буюу 90 дэх минутад Чех хамгаалагч Григера булангийн цохилтыг мөргөж тоог тэнцүүлснээр Хуучин ноёд гутамшигт ялагдлаас аврагдсан юм. Энэ тоглолтын дараа хоёр багийн онооны зөрүү 10 болж холдсон учир Раньери Скудеттогийн талаар бодолтгүй болж,  Интерчүүд лигийн 17 дахь түрүүгээ тэмдэглэх бүрэн үндэстэй болсон гэж хэлж болно.

Бусад тоглолтуудын тухайд : Өнгөрсөн долоо хоногийн Нийслэлийн дербид улаан хуудас авсан гол хамгаалагч Мексесгүйгээр Ромчууд тун чухал ялалт байгууллаа. Тэд Леччиг талбайдаа хүлээн авсан бөгөөд багийн ахлагч Тотти дубльдэж, ”дахин төрсөн” Брихи нэг гоолыг нэмэрлэжээ. Энэ завсар тэдний урд “давхиж” байсан Женоа, Фиорентина нар хоёулаа бүдэрснээр  ”Жиаллоросси” нарт оноогоо ойртуулах боломж олгосон юм.  Хүснэгтийн ”хомоол хамж” буй Режжина Аталантагийн талбайгаас 3 оноо зулгаасныг сенсаац гэлтэй. Уг нь Дель Неригийн ”цэргүүд” талбайдаа илт илүүрхэж байсан ч аз тэднийг ивээсэнгүй.

Энэ тойргийн сүүлийн тоглолт ням гарагийн шөнө Милан-Торино багуудын хооронд боллоо. Relegation бүсээс ганцхан оноогоор хязгаарлагдаж байгаа Туринчууд ялагдахгүй гэж хэрэндээ хичээсэн ч, алдарт Миланы өмнө аргагүй хүчин мөхөстлөө. Анчелоттигийн цэргүүд энэ ялалтыг авсанаар 64 оноотой болж Ювентусыг урд гишгэж чадсан байна.

Ювентус 1 : 1 Интер (90′ Григера), (63′ Балотелли)

Ювентус: Буффон; Григера, Легротальи, Кьеллини, Молинаро (Де Чельи 62′); Маркьонни (Трезеге74′), Пульсен, Тьягу, Недвед; Дел Пьеро (Жиовинко 80′), Якуйнта.

Интер: Сезар, Занетти, Самуэль, Кордоба, Киву, Фигү (Круз 86), Камбьяссо, Станкович, Мунтари (Бурдиссо 78′), Балотелли (Виера 76′), Ибрахимович.

Шар хуудас : Фигү (4′), Легротальи (36′), Пульсен (53′), Балотелли (67)

Улаан хуудас : Тьягу (76′)

Милан 5 : 1 Торино (13′ 37′ 60′ Инзаги, 58′ Кака, 90′ Амбросини), (80′ Франчешини)

Милан (4-3-1-2): Дида; Фламини, Сендерос, Малдини (Дармиан, 72’), Замбротта; Бекхэм, Пирло, Амбросини; Кака; Пато (Роналдиньо, 46’), Инзаги (Шевченко, 65’)

Торино (4-4-1-1): Серени; Ривалта (Фелафиоре, 40’), Натали, Франчешини, Рубин (Огбонна, 65’); Абате, Дземайли (Самуель, 46’), Бароне , Диана; Росина, Бианки

Женоа 0 : 1 Лацио (65′ Зарате)

Женоа : Рубиньо, Биава, Феррари, Бочетти, Место (Марко Росси 71′), Т.Мотта, Юрич, Крискито (ванден Борре 74′), Скали (62′ Оливера), Янкович, Палладино

Лацио : Маслера, Де Силвесри, Сивилья (55′ Диаките), Розенал, Коларов, Личтштэйнер, Ледезама, Дабо (74′ Мехни), Маури, Зарате, Пандев (41′ Рокки)

Рома 3 : 2 Леччи (3′ 59′ Тотти, 13′ Брихи), (31′ Мунари, 55′ Пападопоулос)

Рома : Артур, Мотта, Диамоутене, Рийз, Тонетто, Де Росси, Пизарро, Брихи, Перротта, Баптиста (83′ Кассетти), Тотти (90′ Монтелла)

Удинезе 3 : 1 Фиорентина (11′ Асамоа, 47′ 69′ Д’Агостино), (67′ Дайнелли)

Фиорентина : Фрэй, Заури (71′ Юргенсен), Дайнелли, Гамберини, Паскуаль, Донадель, Бернардо Алмирон (59′ Варгас), Семиоли, Кузманович, Евитеч (60′ Боназолли), Жилардино

Сиена 0 : 2 Киево (23′ 48′ Пелиссьер)

Кальяри 2 : 0 Наполи (5′ Еда, 92′ Лаззари)

Аталанта 0 : 1 Режжина (40′ Кераволо)

Катанья 2 : 0 Сампдориа (39′ Маскара, 48′ Мартинез)

Милан : Торино

байр	баг	Т/т	Х	Т	Хж	О.Г	А.Г	Г.З	оноо
1	Интер	32	22	8	2	58	24	+34	74
2	Милан	32	19	7	6	59	29	+30	64
3	Ювентус	32	19	7	6	57	30	+27	64
4	Женоа	32	16	9	7	43	30	+13	57
5	Фиорентина	32	17	4	11	44	34	+10	55
6	Рома	32	15	7	10	51	48	+3	52
7	Палермо	32	15	4	13	46	41	+5	49
8	Кальяри	32	14	6	12	38	31	+7	48
9	Лацио	32	14	5	13	44	45	−1	47
10	Удинезе	32	11	9	12	43	43	0	42
11	Аталанта	32	12	5	15	36	36	0	41
12	Катанья	32	11	7	14	33	37	−4	40
13	Сампдориа	32	10	10	12	36	41	−5	40
14	Наполи	32	10	9	13	35	37	−2	39
15	Сиена	32	10	7	15	29	35	−6	37
16	Киево	32	8	10	14	30	40	−10	34
17	Торино	32	6	9	17	29	52	−24	27
18	Болонья	32	6	8	18	34	57	−23	26
19	Леччи	32	4	12	16	29	56	−27	24
20	Режжина	32	4	11	17	23	51	−28	23