УЛИРЛЫН онцлох таван үйл явдал

1.Лигийн хошой аварга “Спирт бал бурам” компанийн “Хараагийн харцага” баг плей-оффт хоёр дахь жилдээ шалгарч чадсангүй.

2.1999 оны лигийн тэргүүн тоглогч лигийн дөрвөн удаагийн аварга ОУХМ Ц.Шаравжамц спортдоо эргэн ирэв.

3.Өнгөрсөн жилийн лигийн АШТ-ий мөнгөн медальт “Шаркс” багийн гарааны таван тоглогч багаа орхив.

4.Лигийн АШТ-д хоёр дахь жилдээ оролцож буй МУИС, “Hi B Oil” компанийн “МВМ”, “Бриж” конс­т­ракш­­ны “Баянзүрх буллз” багууд плей-оффт шалгаран үлдлээ.

5.Плей-оффт үлдсэн дөрвөн багийн оноо тэнцэж хоо­рондын тоглолтын харьцаагаар анх удаагаа байр эз­лүүлэв. Мөн тавдугаар байрт бичигдсэн “Хараагийн харцага” дээрх багуудаас ердөө ганцхан оноогоор хо­цорсон нь 2009 оны “Сэнгүр” лигийн онцлох зүйл байв.