Давхар диффузорыг зөвшөөрсний дараа Макларенийхан маш хурдан арга хэмжээ авч Шанхайн уралдаанд  MP4-24 шинэчилсэн машинтай оролцсон юм. Мэдээж богино хугацаанд томоохон өөрчлөлтийг хийж амжихгүй учир жижиг хэмжээний шинэчлэл хийжээ.Тэд шинэ урд хитэг мөн түр хугацаанд ашиглах  давхар диффузортой болсон байв.

Урд хитэг нь давхар далавчтай болсноор даралтын хүчийг нэмж, салхины эсэргүүцлийг нэмэгдүүлэхгүй байх үүрэгтэй.Хоёр  элементээс бүтсэн давхар далавчний  завсараар  урссан салхинаас даралтын хүчийг үүсгэнэ.

MP4-24 д хийсэн хоёрдахь өөрчлөлт нь давхар диффузор юм.Шанхайд хэрэглэсэн диффузор нь төгс боловсронгуй биш боловч ерөнхийдөө давхар диффузорын жишгээр хийгдсэн. Брауний диффузорын адилаар доороос ирэх агаарын урсгал нь жижиг ховилоор дамжин хоёр салаа нүхэн хэсгээр диффузорын төвийг  чиглэнэ.Тэнд агаарын урсгал нь хурд нэмэгдэж буцаагаад даралтын хүчийг бий болгоно.