Шанхайн уралдаанд машиндаа бага өөрчлөлт хийсэн багийн нэг бол Феррари юм.

Феррари хүнд цаг үеийг туулж байна.Тэдний машин удаан байгаа ба түүнийг өөрчлөх их ажил өмнө нь бий.Гэвч Феррари Макларен зэрэгтэй адил техникийн өөрчлөлтийг хийсэнгүй нь Шанхайн уралдаанаас харагдсан.Зөвхөн аэродинамикийн бүтэцдээ багахан зүйлийг нэмжээ.

Эхний өөрчлөлт бол дугуйнд хийсэн хаалт юм.Хаалт нь урд далавчнаас дамжин ирэх салхины урсгалыг илүү чиглүүлж өгнө. Мөн тоормослоход үүсэх халуун агаарыг арагшаа урсгаж тараана. Гол нь тоормосыг хөргөхөд чухал үүрэгтэй.

Дараагийн өөрчлөлт нь урд хитэгний хажуу хавтан дээр доош нумалсан далавчыг хийжээ.Энэ нь дайрч өнгөрөх агаарын урсгалыг хоёр хуваана.Дээшээ чиглэсэн урсгал нь урд дугуй дээгүүр өнгөрч дугуйны эргэлтээс гарах салхины угалзыг тараана. Доогуур өнгөрөх урсгал нь гадагшаа чиглэж хурдыг нэмэгдүүлхэд түлхэц болно.