Өнөөдөр НБА-д плей-оффын эхний шатны гурван тоглолт явагдаж өнгөрлөө. Денвер Наггетс Крис Пол ба түүний нөхдийг хожин 2-0ээр тэргүүлж эхэлсэн бол зүүн эрэгт явагдсан хоёр тоглолтонд Орландо, Майами нар хожсоноор цувралыг тэнцүүлсэн байна.

Цувралын харьцаа: 1-1

Дорнод конференц

“Орландо” – “Филадельфи” – 96:87 (21:21, 25:18, 24:23, 26:25)

О: К. Ли (24), Р. Льюис (16), Туркоглу (16).

Ф: А. Миллер (30), Игуодала (21 + 8 самбар + 7 дамжуулалт).

Энэ цувралын эхний тоглолтын дүр зураг ерөнхийдөө харагдсан тоглолт болов. Гэхдээ үр дүн өөр. Энэ тоглолтонд Дуайт Ховард хувийн алдааны улмаас төдийлэн сайн тоглосонгүй. тоглолт дуусахад 3 минут гаруй хугацааны өмнө талбайг чөлөөлсөн шилдэг хамгаалагч маань “дахиад л нэг дэх тоглолтынх шиг зүйл битгий болоосой хэмээн хүсч байлаа” гэсэн байна. Энэ тоглолтонд шинэ тоглогч Кортни Ли 24 оноо авч багаа хожиход гол түлхэц өгсөн бол Туркоглу, Льюис нар тус бүр 16 оноо авч тус хүргэсэн байна. Тоглолтын турш Филличүүд Ховардад хамаг анхаарлаа хандуулах үеэр Кортни Лид шидэх боломж гарч ирж оноогоор холджээ. Гэвч Филличүүд онооны зөрүүг 6 болгосон хэдий ч энэ үед Энтони Жонсон сайн байж багаараа 9 оноо дараалж авснаар тоглолт ерөнхийдөө тодорхой болсон. Өмнөх тоглолтонд 76-ийнхан 18 оноог барьсан билээ. Гэхдээ 76-ийн дасгалжуулагч тоглолтын дараа “Бидэнд энэ цувралд хожиж болно гэсэн их итгэл төрлөө” гэсэн байна.Филадельфичүүд 2003 онд плей-оффын эхний шатанд одоогийн Нью Орлеаныг хожиж байснаас хойш ганц ч цувралд ялалт байгуулагүй байгаа юм.

“Атланта” – “Майами” – 93:108 (18:24, 23:30, 31:29, 21:25)

А: Бибби (18), Жош Смит (17), Жо Жонсон (16).

М: Уэйд (33 + 7 дамжуулалт), Кук (20), Ж. О’Нил (19).

Цувралын харьцаа: 1-1

Цувралын эхний тоглолтонд Вэйд болон түүний нөхөд итгэмээргүй муу тоглосон. Тэгвэл энэ удаа шал өөр  тоглолтыг Филипс центрд үзүүллээ. Өмнөх тоглолтод 19 оноо авсан Flash энэ оноогоо эхний хагаст л авсан юм. Хэдийгээр тоглолт Атлантад болсон ч Майамигийн фэнүүд ордон даяар M-V-3 гэсэн уриаг хадааж байлаа. Эхний тоглолтонд Вэйд ганцаараа багтаа 10аас их оноог нэмэрлэсэн бол энэ удаа таван ч тоглогч 10аас дээш оноо авчээ.

Өрнөд конференц

“Денвер” – “Нью-Орлеан” – 108:93 (27:25, 25:19, 29:27, 27:22)

Д: Биллапс (31), К. Энтони (22 + 9 дамжуулалт), Жей. Ар. Смит (15).

Н: Д. Уэст (21 + 10 самбар), Стоякович(17), К. Пол (14 + 13 дамжуулалт).

Цувралын харьцаа: 2-0

Чонси Биллапс Детройтоос Аллен АЙверсоноор солигдон ирснээс хойш энэ баг эрс сайжирсан билээ. Тэд энэ улиралд конференцдээ 2-р байранд бичигдэж багийн түүхэн дэх хамгийн өндөр амжилт болох 54 тоглолт ялсан амжилтыг давтсан амжилтаар улирлын тоглолтыг дуусгасан. Энэ байдал үргэлжилсээр плей-оффын эхний хоёр тоглолтдоо ялалт байгууллаа. Байгуулахдаа илт давамгай яллаа. Эхний хоёр тоглолтдоо ялалт байгуулж буй нь энэ багийн 33 жилийн түүхэн дэх 3 дахь тохиолдол  1985 оноос хойшхи анхных гэнэ. Тоглолтын хоёрдугаар үеийн эхэнд Денвер 11 оноо дараалан авсан ба энэ үеэс ерөнхийдөө байнга давамгай тогложээ.
Маргаашийн тоглолтууд:

Бостон – Чикаго

Сан Антонио – Даллас

ЛА Лейкерс – Юта