Үндэсний хоккеин лигийн плэй-оффын хоёрдугаар шат эхэллээ. Дорнод бүсийг тэргүүлсэн Бостон Брюинз  энэ шатанд Каролина Харрикейнзтэй учраа таарсан бөгөөд эхний тоглолтоо талбай дэрээ хийж 4–1-ээр ялалт байгуулжээ. Бостончууд одоо талбай дээрээ хийх дараагийн тоглолтдоо ялж чадвал конференцийн финалд шалгарахад тун их хэрэг болно. Хагас шигшээн нөгөө хос болох Вашингтон Капиталс-Питсбург Пэнгуйнз нарын эхний тоглолт 3 : 2-н харьцаагаар нийслэлийн багийн ялалтаар өндөрлөсөн байна. Гуравдугаар үеийн 1 дэх минутад Капиталсын  Фрэйшчман багтаа хожлын шайбыг авчирсан аж.  Мөн  нийслэлийн багийн  легионер Александр Сeмин одоогоор  5 шайб оруулж 5 ашигтай дамжуулалт өгсөн үзүүлэлтээр шилдэгүүдийн жагсаалтыг тэргүүлж байна.

Харин өрнөд бүсийн хагас шигшээд Стенлийн цомын сүүлийн хоёр жилийн аварга Детройт Ред Уйнгз-Анахэйм Дакс багууд учраа таарч тун ширүүн тулааныг үргэлжлүүлж байна. Хоёр баг энэ улиралд нийт дөрвөн удаа учраа таарснаас гуравт нь Улаан жигүүрүүд ялалт байгуулж , үлдсэн нэг нь Анахэймийн ялалтаар өндөрлөж байжээ.
Ингээд эхний тоглолт Детройтын ”Joe Louis Arena”-д болж талбайн эзэд 3–2-оор  ялимгүй давамайллаа. Гэхдээ үлдсэн тоглолтуудад Рэнди Карлилийн цэргүүд ямар ч сюрприз барихийг үгүйсгэх аргагүй.

Бүсийн 3, 4-өөр шалгарсан Ванкувер Канукс-Чикаго Блэкхаүкс хоёрын тулаан ч дээрхээс нэг их дутаад байхааргүй сонирхолтой үргэлжилж байна. Эхний хоёр тоглолтыг Ванкувер талбайдаа хийсэн ч нэг л ялалт авч чадлаа. Өчигдөр болсон хоёр дахь тоглолтонд Чикагочууд тун гайхалтай байж 3–6 -аар өрсөлдөгчөө талбайд нь буулган авч чаджээ. Энэ эрчээрээ тэд хичээжк чадвал цувралыг тэргүүлэхэд тун ойрхон байна.

Шилдэг мэргэн буучид