Наран улсын Ёокохама хотод Ширээний теннисний 50 дахь удаагийн ДАШТ  үргэлжилж байна. Нутагтаа тоглож байгааг ч хэлэх үү Японы теннисчид энэ тэмцээнд Хятадуудын ноёхлыг унагаах зорилготой байсан ч үүнийгэээ биелүүлэхэд тун хүндхэн болж ирлээ. Эрэгтэй ганцаарчилсан төрлийн шөвгийн наймд шалгарсан тамирчдаас тав нь хятадынх байна гэдгээс л Нанхиадууд ямар хүчтэй байгаа нь харагдаж байгаа байх. Беларусын ганц найдвар болсон Владимар Самсанов дөнгөж хоёрдугаар шатанд Солонгосын Ким Юүн Хонд 11-6 5-11 10-12 5-11 7-11-ээр ялагдал хүлээсэн бол Солонгосын Сен Мин Руйч хүссэн амжилтаа үзүүлж чадсангүй. Тэрээр хоёрдугаар шатанд Словений Бояан Токичд ялагдаж тэмцээнээ дуусгасан байна. Ингээд та бүхэнд шөвгийн наймын оноолтыг хүргэе.

Шөвгийн 8											Шөвгийн 4											шигшээ
1	Wang Hao
29	Kaii Yoshida
14	Michael Maze
3	Ma Long
4	Wang Liqin
6	Chen Qi
7	Joo Se-Hyuk
2	Ma Lin

Эмэгтэйчүүдийн ганцаарчилсан төрөлд ч Хятадуудын ноёрхол унахгүй бололтой. Японы гол найдвар гол найдвар Фукухара, Саяака Хирано, Польшийн Ли Киан, Сингапурын Ван Ие Гү нар альхэдийна хасагдсан бол Хятадын шилдэг теннисчид өмнөө таарсан өрсөлдөгч болгоноо бутниргэж байна.

Эрэгтэй хос төрлийн хувьд чансааг тэргүүлэгч Хятадын Чен Ки, Ван Хао нар Солонгосын Сан Юүн О, Сен Мин Руйтэй таарсан нь мэргэжилтнүүдийн анхаарлыг зүй ёсоор татаж байна. Мөн Японы Кишикава, Мизутани- Сингапурын Нин Гао, Ян Зи нарын тоглолт ч сонирхолтой болох нь ойлгомжтой. Тэмцээн энэ сарын 5-нд өндөрлөж аваргуудаа тодруулах бөгөөд ирэх жил ОХУ-н нийслэл Москва хотноо багийн Дэлхийн аварга явагдах аж.