Английн Шеффильд хотноо жил бүр зохион явагддаг мэргэжлийн снукер биллльярдын ДАШТ-ий шигшээ тулаан эхэллээ. Энэ тэмцээний аваргын төлөө Дэлхийн хошой аварга Шотландын Жон Хиггинс, 2005 онд манай гарагийн шилдгээр шалгарч байсан Английн Шон Мерфи нар өрсөлдөж байна. 35 фрэйм үргэлжлэх Дэлхийн чансаанд 3 болон 5-р байранд жагсаж байгаа хоёр снукерчний халз тулааны эхэнд Шотландын тамирчин 3-0-ээр тэргүүлсэн хэдий ч Мерфи биеэ дайчилж чадсанаар эхний хэсэг 4-4-ийн харьцаатай тэнцээгээр өндөрлөжээ. Харин дараагийн 8 фреймд Жон Хиггинс туршлага заан, өрсөлдөгчийнхөө алдааг ашиглан, 7 ялалт байгуулснаар энэ цувралд 11-5-ын харьцаатай тэргүүлж байна. 2009 оны ДА-ын хувь заяа өнөө шөнө шийдэгдэнэ. Түрүүлсэн снукерчин 250 мянган стерлингийн фунтээр шагнуулах бол дэд аварга 125 мянгыг хүртэх юм байна. Снукерийн дээд оноо болох 147 оноог энэ тэмцээний туршид одоогоор цорын ганц тоглогч хийгээд байгаа нь дэлхийн 7 удаагийн аварга Стивеи Нендри юм. Хэрэв Хиггинс, Мерфи 2 нэг модоор максимум брейк хийж чадахгүй бол Хендри энэ агуу амжилтынхаа төлөө уламжлал ёсоор 147 мянган фунтээр шагнуулна.