Ла Лигийн 35-р тойргийн 3 тоглолт өнгөрсөн шөнө боллоо. Валенси өөрийн Месталья цэнгэлдэхдээ Реал Мадридыг хүлээн аван тоглож, 3:0-ээр амархан хожив.

Өнгөрсөн тойрогт талбай дээрээ гол ривал Барселонад 2:6-аар бут ниргүүлсэн Эзэн хааны баг тэрхүү шокноосоо гарч чадаагүй бололтой. Реалд уг нь аварга болох онолын магадлал байсан ч энэхүү хожигдлын дараа тэрхүү боломж нь 0.1 хувь болж байх шиг байна. Ирэх зун Реалд ерөнхийлөгчийн сонгуультай холбоотой томхон өөрчлөлт болох нь гарцаагүй. Хуанде Рамос ч халагдах хүмүүсийн тэргүүн эгнээнд багтаж байгаа байх. Гэхдээ мань хүн энэ хожигдлынхоо дараа “Би ирэх улиралд Реалын дасгалжуулагч хэвээр үлдэхийг хүсч байна”  гэжээ. Сүүлийн 2 тойрогт л ингэж хожигдсон болохоос уг нь тэрээр уналтанд ороод байсан Реалыг улирлын дундуур ирээд ихэд сэргээж байв.

Өнөө шөнө Барса талбай дээрээ Вилльяреалыг хожих аваас Ла Лигийн аваргаар 19 дэх удаагаа тодрох болно.

Валенси хожсоноор 4-р байраа хадгалсан хэвээр үлдэх нь тодорхой болж байгаа бөгөөд тэднээс 4 оноо дутуу болсон Вилльяреал, А. Мадрид багууд өнөө шөнө хүнд учраануудтай тоглох юм.

Севиллья талбай дээрэ Малльоркаг хожлоо. Аралынхан эхний гоолыг хийсэн ч Кануте, Фабиано, Навас нар дараалан 3 гоол хийжээ. Севилльяд Аваргуудын лигийн эрх ойрхон байна.

Лхагва гаригт Барсатай Испаний цомын шигшээд тоглох А. Бильбао энэ тойрогт үндсэн бүрэлдэхүүний ихэнх тоглогчдоо нөөсөн ч Реал Бетисийг 1:0-ээр хожжээ.

35-р тойргийн тоглолтууд:

Валенси – Реал 3:0

Гоол: Мата, 28; Силва, 32; Бараха, 68
Валенси: Сезар, Мадуро, Албиол, Алексис, Мигель, Бараха, Марчена, Вилья, Силва (Мичел, 56), Мата (Висенте, 77), Хоакин (Пабло, 63)
Реал: Касильяс, Метцельдер, Каннаваро, Хейнце, Рамос, Гаго, Гарсия (ван дер Варт, 58), Марсело (Дренте, 83), Роббен, Игуаин, Рауль

Атлетик – Бетис 1:0

Гоол: Велес, 29
Атлетик: Армандо, Эчеитиа, Устаритц, Баленсиага, Боведа (Аморебьета, 75), Муньос, Гурпекью, Велес, Гармендиа, Лопес, Эчеберриа
Бетис: Рикардо, Хуанито, Мелли, Вега (Павоне, 74), Нельсон (Гонсалес, 45), Арсу, Канас (Ривера, 63), Оливейра, Эмана, Эду, Дамиа

Севилья – Мальорка 3:1

Гоол: Кануте, 33-пен; Фабиано, 60; Навас, 76 – Адурис, 16
Севилья: Палоп, Эскюде, Скиллачи, Адриано (Драгутинович, 73), Москуэра, Ренато, Душер, Капел (Перотти, 57), Навас, Кануте, Фабиано (Ромарик, 77)
Мальорка: Мойя, Рамис, Наварро, Айозе, Скалони, Марти (Суарес, 28), Аранго, Варела (Вебо, 61), Адурис (Кейта, 74), Хурадо

ЛА ЛИГИЙН ЯВЦ