Ла Лигийн 35-р тойрог өнгөрсөн амралтын өдрүүдэд боллоо. Реал Мадрид Бямба гаригт Валенсид хожигдсон тул Барселона энэ тойрогт өрсөлдөгчөө хожвол 19 дэх удаагаа Ла Лигийн аварга болох боломжтой байлаа.

Гэвч Барсагийн Ноу Камптаа хийх аваргын баярыг Вилльяреал хойшлуулж дөнгөлөө. Барса Лхагва гаригт Испаний цомын шигшээ тоглолтыг Атлетик Бильбаотой хийх хуваарьтай байгаа ч үндсэн бүрэлдэхүүнээ тэр чигээр нь талбайд гаргав. Пэп Гуордиола талбай дээрээ хийж байгаа тоглолтонд хожил авч, фэнүүдтэйгээ цуг баяраа тэмдэглэхийг хүссэн байх. Тоглолт ч Барсагийн давамгайлал дор болж, 2-р хагас талаасаа хэтрээд байхад Барса 3:1-ээр тэргүүлж байлаа. Гэвч 77 дахь минутанд Нихатыг  Абидаль өөрийн 16-даа унагасан тул шүүгч 11 метрийн торгууль заав. Үүгээр зогссонгүй Абидальд улаан хуудас өгөх нь тэр. Абидаль ийн 4 хоногийн дотор 2 дахь улаан хуудсаа авлаа. Аваргуудын лигт Челситэй хийсэн тоглолтонд мөн улаан хуудас аваад байсан юм. Вилльяреалын Фернандес торгуулийн цохилтоо амжилттай болгож, тоог 2:3 болголоо. Вилльяреал Аваргуудын лигийн эрх бүхий 4-р байрны төлөө өрсөлдөж байгаа болохоор 1 оноо ч гэсэн чухал байсан тул үргэлжлүүлэн довтолж байсны хүчинд шүүгчийн мэдлийн цагт тэнцээний гоол хийж дөнгөсөн болно. Ингэснээр Барса аваргын баяраа хараахан тэмдэглэж чадсангүй. Мөн нэг таагүй мэдээ нь Барсагийн гол тоглогчдын нэг Андрес Иньеста гэмтэл авсан бөгөөд магадгүй Аваргуудын лигийн шигшээ тоглолтыг ч өнжиж мэдэх нь. Одоогоор Рафаель Маркес, Габи Милито нар гэмтлийн улмаас, Дани Альвес, Эрик Абидаль нар торгуулийн улмаас МЮ-тэй хийх тоглолтонд оролцохгүй нь тодорхой бол Тьерри Анри, Андрес Иньеста нар гэмтлийн улмаас тоглохгүй байхыг үгүйсгэхгүй болоод байна.

Атлетико Мадрид өөрийн талбайдаа Эспаньолыг хүнд тоглолтын эцэст сайхан хожлоо. Эхний үед хамгаалагч Переа нь улаан хуудас аван талбайгаас хөөгдөж, үүний дараа хаалгандаа 2 гоол дараалан алдаад байсан тэд 2-р хагаст 3 гоол хийжээ. Ялангуяа Диого Форлан тоглолтын эцсийн мөчид хожлын гоол хийсэн байна. Энэ хожил, 3 оноо Атлетико Мадридад маш хэрэгтэй бөгөөд Аваргуулын лигийн эрх бүхий 4-р байранд бичигдэж байгаа Валенси тэднээс ердөө 1 онооны илүү байна. Харин Эспаньол сүүлийн 6 тойргоос 5 хожил аваад байсан ч энэ тойрогт харамсалтай хожигдлоо.

Депортиво Ла Корунья энэ тойрогт Рекреативог 2:1-ээр хожиж, Валенсигаас 3 онооны дутуу болов. Ла лиг өндөрлөхөд 3 тойрог үлдээд байгаа тул тэдэнд 4-р байранд шалгарах боломж байгаа гэсэн үг. Депор 2004 оноос хойш Аваргуудын лигт оролцоогүй байгаа, 2004 онд хамгийн сүүлд тоглохдоо хагас шигшээд хүрч, Портуд хожигдож байлаа.

Алберт Луке  87 дахь минутанд торгуулийн цохилтоо амжилттай болгосноор талбайн эзэн Малага Расингийг 1:0-ээр хожлоо. Малага 54 оноотой болж байгаа бөгөөд Аваргуудын лигийн эрх авах багахан ч гэсэн боломж тэдэнд байсаар байна.

Альмериа Спортингоор 3 дахь дараалсан хожлоо авснаар ирэх улиралд Ла Лигт тоглох нь тодорхой болж байна. Харин Спортинг сүүлийн 8 тоглолтноос 7 дахь хожигдлоо хүлээлээ. Тэд 18-д бичигдэж байгаа бөгөөд 17-д байгаа Осасунагаас 2 оноо дутуу байна.

Ла лигийн 35-р тойрог.

Атлетико – Эспаньол 3:2

Гоол: Форлан, 53, 90; Агуэро, 60 – Нене, 38-пен; Харке, 40
Атлетико: Франко, Уйфалуши, Переа, Перниа, Хейтинга, Р.Гарсия (Банега, 72), Ассунсао, Симао, Родригес (Ибаньес, 36), Форлан, Агуэро (Камачо, 90)
Эспаньол: Камени, Пареха, Харке, Торрес (Беранжер, 57), Санчес, Де Ла Пенья (Каллехон, 67), Хуртадо, Нене, Л.Гарсия, Тамудо (Роман, 24), Алонсо

Барселона – Вильярреаль 3:3

Гоол: Кейта, 11; Это’О, 36; Алвес, 45 – Льоренте, 22, 90; Фернандес, 78-пен
Барселона: Вальдес, Пуйоль, Пике, Абидаль, Алвес, Туре, Кейта, Хави (Бускетс, 85), Иньеста, Это’О (Силвиньо, 79), Месси (Гудьонсен, 90)
Вильярреаль: Лопес, Годин, Гонсало, Капдевила, Вента, Эгурен, Ибагаса (Фернандес, 72), Кани, Пирес (Бруно, 64), Льоренте, Росси (Кахвечи, 64)

Альмериа - Спортинг Х 3:1

Гоол: Нието, 27; Уче, 55; Пиатти, 90 – Кармело, 16
Альмериа: Эстебан, Пеллерано, Бадиас, Гильерме, Мичел (Хозе Ортис, 57), Сориано, Хуанито, Негредо, Уче (Пиатти, 83), Нието (Крусат, 64), Хуан Ортис
Спортинг: Пишу, Торре, Джерард, Анжел, Састре, Матабуэна, Мичел (Баррал, 60), Камачо, Хименес (Гарсия, 71), Билич, Кармело (Матео, 76)

Рекреативо – Депортиво 1:2

Гоол: Колунга, 44 – Верду, 17; Алварес, 50
Рекреативо: Риесго, Арзо, Моррис (Гуерреро, 26), Торнавака, Бузон, Васкес, Фуэго, Барбер, Сиси (Мартин, 57), Камуньяс, Колунга (Майдана, 64)
Депортиво: Арансубия, Зе Кастро, Лопо, Касмирски, Пабло, Родригес, Сержио, Бодипо (Рики, 70), Верду (Валерон, 86), Гуардадо, Алварес (Лафита, 64)

Вальядолид – Нуманси 0:0

Вальядолид: Асеньо, Нано (Санчес, 45), Беа, Маркос, Бараха, Борха, Рубио, Огбече, Каноббио (Леон, 62), Гонсалес, Виктор (Гоитом, 87)
Нуманси: Колинас, Борис, Хайо, Доминго, Хуанра, Паласиос, Морено, Аранда, Марио (Ллоренс, 67), Куэро (Баркеро, 45), Дель Пино (Джуниор, 82)

Малага – Расинг 1:0

Гоол: Луке, 87-пен
Малага: Гоитиа, Робсон, Росарио, Начо, Гамес, Дуда, Лоло, Адриан (Адриано, 61), Баха (Фернандо, 77), Луке, Элисеу (Анжел, 70)
Расинг: Тоньо, Маркано, Гарай, Сепси, Валера, Расен, Луссин (Бедиа, 86), Морал (Серрано, 69), Мунитис, Джонатан (Чите, 45), Зигич

Хетафе – Осасуна 3:0

Гоол: Гранеро, 26-пен, 50; Уче, 54
Хетафе: Устари, Марио, Диас, Лопес, Кортес, Каскуэро (Беленгуэр, 82), Гонсалес, Гранеро, Албин (Контра, 56), Солдадо, Уче (Ману, 65)
Осасуна: Роберто, Хосетксо, М.Фланьо, Монреал (Хуанфран, 22), Х.Фланьо, Пуньял, Вадосц, Пандиани (Кручага, 59), Идальго (Фонт, 59), Пласил, Аспиликуэта

Валенси – Реал 3:0

Гоол: Мата, 28; Силва, 32; Бараха, 68
Валенси: Сезар, Мадуро, Албиол, Алексис, Мигель, Бараха, Марчена, Вилья, Силва (Мичел, 56), Мата (Висенте, 77), Хоакин (Пабло, 63)
Реал: Касильяс, Метцельдер, Каннаваро, Хейнце, Рамос, Гаго, Гарсия (ван дер Варт, 58), Марсело (Дренте, 83), Роббен, Игуаин, Рауль

Атлетик – Бетис 1:0

Гоол: Велес, 29
Атлетик: Армандо, Эчеитиа, Устаритц, Баленсиага, Боведа (Аморебьета, 75), Муньос, Гурпекью, Велес, Гармендиа, Лопес, Эчеберриа
Бетис: Рикардо, Хуанито, Мелли, Вега (Павоне, 74), Нельсон (Гонсалес, 45), Арсу, Канас (Ривера, 63), Оливейра, Эмана, Эду, Дамиа

Севилья – Мальорка 3:1

Гоол: Кануте, 33-пен; Фабиано, 60; Навас, 76 – Адурис, 16
Севилья: Палоп, Эскюде, Скиллачи, Адриано (Драгутинович, 73), Москуэра, Ренато, Душер, Капел (Перотти, 57), Навас, Кануте, Фабиано (Ромарик, 77)
Мальорка: Мойя, Рамис, Наварро, Айозе, Скалони, Марти (Суарес, 28), Аранго, Варела (Вебо, 61), Адурис (Кейта, 74), Хурадо

ЛА ЛИГИЙН ЯВЦ

	Баг	тт	хо	тн	хд	Б-х	Оноо
1	Барселона	35	27	5	3	103-31	86
2	Реал М	35	25	3	7	79-44	78
3	Севилья	35	19	6	10	51-39	63
4	Валенси	35	17	8	10	65-50	59
5	Атлетико М	35	17	7	11	72-56	58
6	Вильярреал	35	15	11	9	52-49	56
7	Депортиво	35	16	8	11	46-44	56
8	Малага	35	15	9	11	53-53	54
9	Альмериа	35	13	7	15	45-53	46
10	Мальорка	35	12	9	14	46-55	45
11	Атлетик Б	35	12	8	15	46-55	44
12	Вальядолид	35	12	6	17	42-52	42
13	Расинг	35	10	9	16	44-45	39
14	Эспаньол	35	9	11	15	39-49	38
15	Хетафе	35	9	10	16	47-54	37
16	Бетис	35	9	10	16	47-56	37
17	Осасуна	35	8	12	15	38-46	36
18	Спортинг Хихон	35	11	1	23	41-76	34
19	Рекреативо	35	8	9	18	33-53	33
20	Нуманси	35	9	5	21	37-66	32