Женсон Баттон Монакогийн гран прид манлайлснаар энэ оны ДАШТ эхэлснээс хойшхи 6 гарааны 5-д нь түрүүллээ. Ийм амжилтыг Формула 1-ийн домгууд болох Алберто Аскари (1952), Хуан Мануэль Фанхио (1954), Жим Кларк (1965), Жеки Стюарт (1969), Нейжель Мэнселл (1992) болон Махиэль Шумахер  (1994, 2002 болон 2004 онуудад) үзүүлж байжээ.

Мөн Браун ЖП баг ДАШТ эхэлснээс хойш 3 дахь удаагаа 1, 2-р байрыг хамтад нь эзлэв. Харин дэлхийн аварга болж байснаа мартах дөхөж байгаа Кими Райкконен Монакод 3-т орж, өнгөрсөн оны ДАШТ-ын Бразилийн гран пригээс хойш анх удаа шагналын тавцан дээр гарчээ. Харин 5-р байраар гараа хийсэн Фелиппе Масса 4-р байрын төлөө эхний тойргуудад С. Феттельтэй өрсөлдөж ялснаар 4-т орж, шагналын 5 оноо багтаа болон өөртөө нэмэрлэв. Харин Феттель барианд ч орж чадсангүй.

Британи нисэгч 60 жилийн турш Монакод 5 түрүүлж байсан бөгөөд Баттон 6 дахь нь болжээ.

Баттон Монакогийн уралдаанд эхнээс нь авахуулаад дуустал нь бүрэн ноёлж байлаа. Тэрээр одоогоор ДАШТ-ыг нийлбэр дүнгээр тэргүүлж байгаа бөгөөд түүний ард багийнх нь анд Рубенс Баррикелло 16 онооны зөрүүтэй бичигдэж байна. Браун ЖП 6 уралдааны дараа 86 оноотой байгаа нь Зохион бүтээгчдийн цомд 2, 3, 4-т бичигдэж байгаа Ред Булл, Тойота, Ферраригийн оноонуудыг нийлүүлсэнтэй тэнцүү болжээ.

Форс Индиагийн Физикелла байрлал тогтоох уралдаанд 13-т орж, багийнхнаа баярлуулсан бол жинхэнэ уралдаанд 8-д орох дөхсөн байна.

Монакогийн гараа Макларений хувьд тун ч урамгүй байлаа. Хэмилтон өчигдөр Q1-ээсээ ч шалгарч чадаагүй нь түүнийг өнөөдөр оноо авахгүй байх магадлалыг 90 хувь болгосон. Тэрхүү магадлал ч биелж, дэлхийн аварга маань ердөө 12-р байранд оров. Хейкки Ковалайнен барианд ч орж чадаагүй.

Дараагийн гараа 2 долоо хоногийн дараа Туркт болно.

Монакогийн Гран-при.

1. Женсон Баттон (“Браун”)
2. Рубенс Баррикелло (“Браун”) +7,6
3. Кими Райкконен (“Феррари”) +13,4

4. Фелипе Масса (“Феррари”) +15,1
5. Марк Уэббер (“Ред Булл”) +15,7
6. Нико Росберг (“Уильямс”) +33,5
7. Фернандо Алонсо (“Рено”) +37,8
8. Себастьен Бурдэ (“Торо Россо”) +63,1
9. Жанкарло Физикелла (“Форс Индиа”) +65,0
10. Тимо Глок (“Тойота”) + 1 тойрог
11. Ник Хайдфельд (“БМВ-Заубер”) + 1 тойрог
12. Льюис Хэмилтон (“Макларен”) + 1 тойрог
13. Ярно Трулли (“Тойота”) + 1 тойрог
14. Адриан Сутил (“Форс Индиа”) + 1 тойрог
15. Казуки Накажима (“Уильямс”) – + 2 тойрог
16. Хейкки Ковалайнен (“Макларен”) – барианд ороогүй
17. Роберт Кубица (“БМВ-Заубер”) – барианд ороогүй
18. Себастьян Феттель (“Ред Булл”) – барианд ороогүй
19. Нельсон Пике (“Рено”) – барианд ороогүй
20. Себастьен Буэми (“Торо Россо”) – барианд ороогүй

ДАШТ-ын явц

Зохион бүтээгчдийн цом