Үндэсний хоккейн лигийн конференцийн аваргын төлөөх тоглолтууд үргэлжилж байна. Уржигдар Ред Уингз Чикаго хотод зочилж 6 : 1-ээр ялалт байгуулснаар Өрнөд бүсийн аварга болох нь нь бараг тодорхой болчихлоо. Одоогийн байдлаар тэд  цувралыг 3 : 1-ээр тэргүүлж байгаа ба үлдсэн тоглолтуудыг өөрийн талбайдаа хийх учир ингэж хэлэх бүрэн үндэстэй юм. Шведийн легионер Хенрик Зеттерберг энэхүү тоглолтонд хоёр гоол оруулснаар 18 оноотой болж мэргэн буучдын жагсаалтанд хүч түрэн орж ирсэн бол түүний багийн анд Иохан Франзен зуузай ”холбон” Кросбигийн араас нэхэж буй.
Нөгөө талд Дорнод бүсийн аварга ч бараг тодорчихлоо. Малкин, Кросбигийн гайхалтай хослолоор хүч нэмсэн ”Пенгвинүүд” цувралыг 3 : 0 -оор тэргүүлж байгаа. Үлдсэн дөрвөн тоглолтонд дараалан хожно гэдэг үнэхээр хэцүү байх болно гэдгийг Пол Моррис хүртэл хүлээн зөвшөөрчээ. Өрсөлдөгчөө 2–6 -р бутниргэсэн гурав дахь тоглолтын дараа Малкин ”Юуны түрүүнд багийнхандаа баярлалаа гэдгээ хэлмээр байна. Тэд байгаагүй бол би ийм амжилтанд хүрэхгүй байсан. Цаашдаа энэ эрчээ алдахгүй байхыг хичээнэ” гэжээ. Өнөөдөр цувралын дөрөв дэх тоглолт Харрканесийн талбайд болно. Хэрвээ Пингвинүд энэ тулаанд ялах юм бол түүхэн дэх гурав дэх Стенлийн цомоо хүртэхэд нэг алхам ойртоно.

Дорнод бүс

Өрнөд бүс