К.Роналду хөлбөмбөгийн түүхэнд хамгийн өндөр үнэ хүрсэн тоглогч болоход ойрхон байна. Юнайтедийн албан ёсны сайтад бичсэнээр тэд Реалын тавьсан 80 сая фунтын саналыг хүлээж авсан гэнэ. Хоёр багийн удирдлага өөр мэдэгдэл хийгээгүй байгаа ч Флорентино Перез дахин нэг супер одыг Мадридад газардуулах нь тодорхой болсон юм шиг байна. Саяхан Реалын ерөнхий захирал Хорхе Волдано ”Бид Роналдуг авах хэлэлцээрээ альхэдийнэ эхлүүлсэн. Тэр бол гайхалтай тоглогч. Тиймээс ямар ч клуб эгнээндээ
элсүүлэхийг хүсэх нь тодорхой шүү дээ” хэмээн TVE телевизэд ярилцлага өгсөн нь ч энэ бүхнийг батлаж байна.
***
Андрей Пирлог Челсид харахдаа баяртай байх болно хэмээн Италийн шигшээн ерөнхий дасгалжуулагч Марчело Липпи мэдэгджээ. Тэрбээр ”Миланаас Лондон орно гэдэг чинь ,Ром орохтой л адилхан. Тэр хаана ч тоглосон өөрийгөө бүрэн харуулж чадах нэгэн” гэжээ. Хэрвээ Пирло, Анчелоттигийн араас явах болбол 20 сая фунтыг Милан олох боломжтой талаар Английн хэвлэлүүд мэдээлжээ. Одоогоор Андрей  ”Холбооны цом”-ын бэлтгэлээ шигшээ багийнхантайгаа базааж буй.
***
Ливерпулийн дасгалжуулагч Рафа Бенитез Машераног зарахгүй гэдгээ мэдэгдлээ. Каталоны багтай нэр холбогдоод байгаа Машегийн тухай тэрбээр ”Хавьер энэ жаргалтай байгаа гэдгээ зөндөө л мэдэгдсэн шүү дээ. Энэ бүх худлаа яриа хаанаас гараад байгааг ойлгохгүй юм. Хэдхэн хоногийн өмнө л би түүнтэй ярихад тэр үлдэх хүсэлтэй гэдгээ хэлж байсан. Маше бол шударга хүн. Хүний араар элдэв зүйл ярьж явах нэгэн яавч биш. Барса 40, 50 саяыг санал болгосон ч би лав зөвшөөрөхгүй”  гэжээ.

***

АС Милан болон Интер Миланы хараанд өртөөд байгаа Дидье Дрогба энэ зун багаа солихгүй гэжээ. ”Марселийн удирдлага намайг эргүүлэн авахыг хүсэж байгаагаа хэлсэн. Гэхдээ тэд клубтэй тохиролцоонд хүрч байж л энэ бүхнийг шийднэ. Сүүлийн үед янз бүрийн цуу яриа их түгж байгаа ч, миний шийдвэр бол Лондондоо үлдэх.
Шинэ дасгалжууагчийн тухайд тэр юу хийхээ мэддэг нэгэн. Хиддинкийн ялалтын цувралыг үргэлжлүүлнэ байх. Угаасаа ч надад эргэлзээд байх шалтгаан алга”
***
Алетико Мадридийн удирдлага довтолгооны гурвалаа явуулахгүй гэжээ. Серхио Агуеро, Макси Родригез, Диего Форлан нарыг сүүлийн үед олон багууд сонирхож байгаа нь ийм мэдэгдэл хийхэд хүргэсэн нь тодорхой. Агуерог Челси эгнээндээ багтаах тухай яриад эхэлсэн бол Пичичигийн эзэн Форланыг Реал, Ман Сити гэсэн ”түрийвч зузаан” багууд сонирхож байгаа билээ. Харин Максигийн хувьд өөрөө Тоттенхэмд очих хүсэлтэй гэдгээ мэдэгдсэн. Атлетикогийн спорт эрхэлсэн захирал Гарсиа Питарч ”Өдийг хүртэл бид Агуеротой хэвийн харилцаатай байсаар ирсэн. Түүнд Мадридийг орхих ямар ч шалтгаан байхгүй. Мэдээж хэрэг бусад багуудаас их мөнгөний санал ирсэн. Үүнийг хүлээн зөвшөөрнө. Гэхдээ бид алинийг нь ч хүлээж аваагүй байгаа. Бид бүрэлдэхүүнээ цааши улам хүчирхэгжүүлэхээр ажиллаж байгаа болохоос нимгэлэхийг хүсэхгүй байна” гэжээ.
***
Итали, Английн лигийн нүүр царай болдог хоёр тоглогчыг өөрийн эгнээнд элсүүлж чадсан Перез Рибериг авах бодолгүй байгаа гэжээ. TVE-д өгсөн ярилцлагадаа ”Байерний удирдлага түүнийг явуулахгүй гэдгээ шууд л хэлсэн. Тиймээс би тэдний хүндэтгэхийн үүднээс дахиж яриа өдөөгүй. Энэ зуны манайх 8 , 9 тоглогчыг зарахаар төлөвлөж байгаа. Заримыг нь зээлээр ч явуулах байх.  Магадгүй тэд манайхаас яваад Негредо, Мата нар шиг гялалзах ч юм билүү. Какагийн наймааны тухай нилээдгүй ажил болж байж бүтсэн. Түүнийг энд ирэхэд Галлиани их тус болсон. Кака ч өөрөө хүссэн болохоор амархан бүтсэн гэж бодож байна”гэжээ.