Францын шилдэг теннисчдийн нэг Гаел Монфиль Уимблдоныг өнжихөөр болсон байна. Дэлхийн чансааны 14-т эрэмбэлэгддэг тэрбээр Уимблдоны бие халаалт гэгддэг ”Queen’s club” тэмцээний хоёрдугаар шатанд Казакстаны Андрэй Голубевтэй тоглож байхдаа бугуйндаа бэртэл авсан аж. Оны эхэнд Монфиль Авсралийн нээлттэй тэмцээний 4-р шатнаас хасагдсан бол Ролан Гаррост их шөвөг хүртэл яваад Рожер Федерерийн өмнө өвдөг сөхөрсөн билээ. Энэ хооронд Рафаел Надаль ч бас Уимблдонд оролцох эсэх нь эргэлзээтэй болоод байна. Өвдөгний бэртлээ эдгээж байгаа тэрээр саяхан Лейтон Хьюттэй нөхөрсөг тоглолт хийж 6-4 6-3 -аар ялагдсан ба ”одоохондоо байдал тодорхойгүй байна, ямар ч байсан бямба гариг хүртэл хүлээе’ хэмээн өгүүлжээ. Харин түүний ах Тони Надаль ”Рафагийн бэртэл хүнд байвал тэмцээний өнжихөөс өөр аргагүй. Нэг тэмцээнээс болж өөрийгөө золиосолж болохгүй биздээ” хэмээсэн байна. Рафа өнөөдөр Станислав Вавранкатай нөхөрсөг тоглолт хийх юм.