Хоёр жил тутамд зохиогддог 21 хүртэлх настны европын аварга Шведэд үргэлжилж байна. Луйш Фигү, Франческо Тотти, Икер Касильяс, Петр Чех, Андрэй Пирло гээд олон олон оддыг төрөн гаргасан энэхүү тэмцээний зүг европийн топ багууд хараа бэлчээж,  ирээдүйн супер оддыг тандаж байгаа нь лавтай. Одоогооp  тэмцээний хэсгийн шат өндөрлөхөд ганц тойргийн тоглолт үлдээд байгаа ба А хэсгийг 4 оноотой Итали, Б хэсгийг 6 оноотой Английн шигшээ тэргүүлжбайна. Уалкотт, Ричардс, Милнер, Агбонлохар зэрэг премьер лигийн шилдэг тоглогчдоор хүч нэмсэн Будант Альбиончууд эхний тоглолтоо Финляндын эсрэг хийж 2 : 1-ээр буулган авсан ба удаахь учраа болох Испанийг мөн энэ тоогоороо ялж хүчтэй өрсөлдөгч гэдгээ харуулсан юм. Испаний шигшээд бидний танил Бояан Кркич, Мигель Торрес, Диего Капел, Раул Гарсиа нар багтаад багтаж байгаа билээ. Хэсгийн сүүлийн тоглолтоо англичууд араас нь хоёр онооны алдагдалтай нэхэж яваа  Германы эсрэг хийх юм. Энэ тоглолтыг мэргэжилтнүүд ирээдүйн үндсэн багийн тулаан хэмээн нэрлэж байна. Учир нь Голзало Кастро, Мануель Нойер, Марко Марин, Андрес Бек зэрэг Германы ирээдүй болсон залуус тэмцээнд хүчээ сорьж байгаа юм. А хэсгийн хувьд Италийн бүрэлдэхүүн бусдаасаа хавьгүй хүчирхэг байгааг та бүхэн харж болно. Интерийн гараанд альхэдийнэ багтах болсон африк гаралтай Марио Балотелли багийн анд Акуафрешкагийн довтолгоог бүрдүүлж байгаа бол хамгаалалтанд Ювентусын Де Чельи, Крискито дээр Ромагийн шинэ од Марко Мотта нэмэгдэж байгаа. Харин дундын шугаманд Маркизио, Чигарини, Дессена гэсэн шижигнэсэн залуус бужигнуулж байгаа аж. Аззурри сүүлийн тоглолтоо Беларусын эсрэг хийх бол хоёрдугаар байрын төлөө ширүүн өрсөлдөж байгаа Швед – Сербийн баг энэ шатанд учраа таарчээ. Эдгээр тоглолтууд 22, 23-нд явагдана. Мэргэн буучдын жагсаалтыг  Гронинген багт хүчин зүтгэдэг Шведийн Маркус Берг 3 гоолтой тэргүүлж байна. Өдгөө 22 настай энэ залуу  европын том багуудын анхааралд альхэдийна өртчихсөн нь тодорхой. Түүний араас Ричардс, Милнер,  Свенссон , Балотелли тэргүүтэй 12 тоглогч 1 гоолтой удаалж байгаа.

А хэсэг	T/T	X	T	Хж	О.Г	А.Г	+/-	оноо
Итали	2	1	1	0	2	1	+1	4
Швед	2	1	0	1	6	3	+3	3
Серби	2	0	2	0	0	0	0	2
БеларусS	2	0	1	1	1	5	−4	1

–

B хэсэг	T/T	X	T	Хж	О.Г	А.Г	+/-	оноо
Англи	2	2	0	0	4	1	+3	6
Герман	2	1	1	0	2	0	+2	4
Испани	2	0	1	1	0	2	−2	1
Финлянд	2	0	0	2	1	4	−3	0