20 дахь удаагийн Воллейболын дэлхийн лиг эхлээд нилээдгүй хугацаа өнгөрч байна. Одоогоор тэмцээний гуравдугаар үеийн тоглолтууд эхлэх гэж байгаа ба 6 сарын 29-нд эцсийн шатны тоглолтууд явагдаж аваргаа тодруулах юм. А бүсэд Недерланд, АНУ, Итали, Хятадын шигшээ багууд багтсан ба ”Улбар шар”-ууд 10 оноотой хэсгээ тэргүүлж байна. Тэд нээлтийн тоглолтонд аваргаа хамгаалахаар зүтгэж буй Америкчуудыг хожиж , тэр эрчээрээ Хятадын залуусыг хоёр удаа сөхрүүлсэн юм. Тус багийн ахлагч ”Ж.Троммел ”Бид яг л машин шиг ажиллаж байна. Энэ эрчээ алдахгүй явбал финалын шатанд шалгарахад саад болоод байх зүйл алга” хэмээн өгүүлжээ. Недерландын араас 8 оноотой Америкчууд нэхэж байгаа ба тэд ”Улбар шаруудын” адил 3 хожиж 1 тэнцсэн ч өрсөлдөгчдөө олон сет алдсаныхаа гайгаар ийн хойшилжээ.
Энэ бүсийн ээлжит тоглолтууд 26, 27, 28-нд АНУ-БНХАУ, Недерланд-Италийн тоглолтоор үргэлжилнэ. Харин B бүсийн хувьд өрсөлдөөн хавьгүй хүчтэй өрнөж байна. Ур чадвар ойролцоо дөрвөн баг энд өрсөлдөж байгаа бөгөөд бүгд 2 хожил, 2 хожигдолтойгоор 6 оноо авсан үзүүлэлттэй байна. Эхний шатанд Франц Сербийг 3 : 0-оор буулган авсан хэрнээ дараагийн тоглолтонд 3 : 1-ээр ялагдал хүлээсэн байх юм. Тэмцээнийг 100 хувийн амжилттай үргэлжлүүлж байгаа ганц баг нь Бразилчууд . Алдарт Самба бүжигчид D бүсдээ гарцаагүй давамгайлж байгаа ба Польш, Финляндыг дараалан буулган авч сетийн харьцаагаараа ч өрсөлдөгчдөө хол тасархай хаяжээ. Финяндын шигшээн дасгалжуулагч Беррутто тэдэнд ялагдсаныхаа дараа ”Би залуусаараа бахархаж байна. Бразил шиг дэлхийн хэмжээний багас 2 сет салганa гэдэг бол боломжын үзүүлэлт. Бид дараа дараагийн тоглолтдоо улам хичээх болно”хэмээжээ.
Манай хойш хөршийн тамирчид С бүсэд Куб, Япон, Болгарын багтай өрсөлдөж байгаа. Тэмцээний өмнө Оросын дасгалжуулагч Д.Багноли  Кубыг хамгийн хүчтэй өрсөлдөгчөө хэмээн нэрлэж байсан нь биелэлээ олж 3–2-р ялагджээ. Гэхдээ тэд дараагийн тоглолтонд хариугаа яг энэ тоогоороо ялалт байгуулж чадсан юм. Алексэй Казаков Кубыг ялсны дараа ”Бид тэдний алдаан дээр ажиллаж, оноо авах төлөвлөгөөтэй байсан. Үүндээ ч хүрлээ. Дараагийн өрсөлдөгч Болгар учир бидэнд амарч амжих цаг олдоно байх” гэсэн байна.
Ингээд та бүхэнд бүсийн байдлууд болон хуваарийг хүргэе.

A бүс

			тоглолт		Сетийн оноо			Сет
#		оноо	х	хж	x	хж	дундаж	x	хж	дундаж
1	Недерланд	10	3	1	326	303	1.076	11	3	3.667
2	АНУ	8	3	1	374	353	1.059	9	7	1.286
3	Итали	3	1	3	332	322	1.031	5	9	0.556
4	БНХАУ	3	1	3	251	315	0.797	3	9	0.333

дараагийн тоглолтууд

6.26 АНУ – БНХАУ
6.27 Недерланд – Итали
6.27 БНХАУ-АНУ
6.28 Итали – Недерланд

B бүс

			тоглолт		Сетийн оноо			Сет
#		оноо	x	хж	x	хж	дундаж	x	хж	дундаж
1	Ө.Солонгос	6	2	2	388	380	1.021	9	8	1.125
2	Франц	6	2	2	373	370	1.008	9	8	1.125
3	Аргентин	6	2	2	427	427	1.000	10	10	1.000
4	Серби	6	2	2	323	334	0.967	6	8	0.750

6.26 Серби- Аргентин
6.26 Франц- Ө.Солонгос
2.28 Серби- Аргентин
6.28 Франц- Ө.Солонгос

C бүс

			тоглолт		Сетийн оноо			Сет
#		оноо	x	хж	x	хж	дундаж	x	хж	дундаж
1	Куба	9	3	1	416	383	1.086	11	7	1.571
2	ОХУ	9	3	1	377	357	1.056	11	6	1.833
3	Болгар	3	1	3	359	383	0.937	6	10	0.600
4	Япон	3	1	3	324	352	0.920	5	10	0.500

6.27 Япон – Куба
6.27 ОХУ – Болгар
6.28 Япон – Куба
6.28 ОХУ – Болгар

D бүс

			тоглолт		Сетийн оноо			Сет
#		оноо	x	хж	x	хж	дундаж	x	хж	дундаж
1	Бразил	11	4	0	363	293	1.239	12	3	4.000
2	Польш	5	2	2	320	328	0.976	4	8	0.500
3	Венесуэль	4	1	3	325	348	0.934	6	6	1.000
4	Финлянд	4	1	3	321	359	0.894	5	10	0.500

6.26 Финлянд – Венесуэль
6.26 Польш – Бразил
6.27 Финлянд – Венесуэль
6.27 Польш – Бразил