Реал Ваяадолид (Real Valladolid Club de Fútbol, S.A.D.) нь Кастил-Леон мужийн Ваядолид хотод оршдог хөлбөмбөгийн клуб юм.  1928 онд байгуулагдсан уг клуб нь Ла лигт 2006-2007 оны улиралд дэвшин орсон ба өнөөг хүртэл нийт 39 улирал тоглосон нь Ла лигт хамгийн удаан тоглосон багуудын 13-рт эрэмбэлэгдэхүйц үзүүлэлт юм. Ла лигийн бүхий л түүхийн хугацаанд 58 клуб өрсөлдөж байсан гэхээр чамлахааргүй үзүүлэлт.

Ваяадолид хот нь 1072 онд үндэслэгдсэн дундад эртний хот бөгөөд 30 түм гаруй хүн амтай. Эндхийн оршин суугчдыг Pucela нар гэдэг. Энэ хотын хамгийн том клуб нь мэдээж Ваяадолид. Тэдний хөгжөөн дэмжигчдийг бас Pucela гэнэ. Ваяадолидын цэнгэлдэхийг Нуэво Эстадио Хосе Зоррила гэх бөгөөд 26512 Pucela нарыг хүлээн авах хүчин чадалтай.

Гэртээ цагаан, нил ягаан өнгө хосолсон өмсгөлтэй тоглодог бол зочлон тоглохдоо нил ягаан өмсгөлтэй байдаг.

Түүх

1928 онд Реал Юнион Депортива де Ваяадолид ба Клуб Депортиво Эспаньол (өнөөгийн Реал Юнион) клубүүд нэгдэж Ваяадолид клубыг бий болгожээ. Тус клуб 1947-1948 оны улиралд анх удаа Сегундад түрүүлэн, Ла лигт хөл тавьж байв. Дараагийн улирал нь Эзэн хаан цомын финалд хүрсэн ч Баскийн алдарт Атлетик Бильбаод хожигдон, аман хүзүүдлээ.

Үүнээс хойших 10 жилд тэд Ла лигт тогтвортой тоглов. Богинохон хугацаагаар Сегундад унасан ч клубийнхээ домогт дасгалжуулагч Хосе Луйс Сасогийн удирдлага дор эргэн ирсэн юм. Сасо бол тус клубт хаалгачаар тоглож байгаад зодог тайлан төрөлх клубтээ дасгалжуулагчаас авахуулаад ерөнхийлөгч хүртлэх бүх албан тушаалыг хашсан нөлөө бүхий нэгэн байв.

Ваяадолид Ла лигт тогтвортой тоглож байсан ч үе үехэн Сегунда руу уначихдаг байв. Хамгийн сүүлд 2003-2004 оны улиралд Сегунда руу унасан нь эргэн ирэхэд 2 жил зарцуулах шаардлагатай болгожээ.

1996-1997 онд Реал Мадрид Кастиллын дасгалжуулагч байсан залуухан Рафаэль Бенитез Ваяадолидын дасгалжуулагч болж, Ла лигийн 7-р байрт шалгаруулсан нь клубын сүүлийн 20 жилийн хамгийн өндөр амжилт нь юм.

2006-2007 оны улиралд Баск гаралтай дасгалжуулагч Хосе Луйс Мендилибар дасгалжуулагчаар ажиллах болж, 88 оноо цуглуулан, аман хүзүүний багаасаа 8 оноогоор, дөрөвдүгээр байрнаас 26 оноогоор илүү гарсан нь Сегундагийн түүхэнд шинэ дээд амжилтууд болон үлджээ. Тэд энэ үед 26 тоглолт дараалан хожигдоогүй аж.

Тэд 39 улирлыг Ла лигт, 30 улирлыг Сегундад, 9 улирлыг Терсерад өнгөрүүлээд байна.

Тоглогчид

Хаалгач

1 – Sergio Asenjo

13 – Justo Villar

25 – Alberto

Хамгаалагч

2 – Barragán

3 – Marcos

5 – García Calvo

8 – Baraja

10 – Óscar Sánchez

11 – Nano

16 – Pedro López

17 – Luis Prieto

24 – Iñaki Bea

Хагас хамгаалагч

6 – Borja

12 – Pedro León

14 – Vivar Dorado

15 – Escudero

18 – Álvaro Rubio

19 – Jonathan Sesma

20 – Canobbio

21 – Víctor

22 – Aguirre

23 – Medunjanin

26 – Jesús Rueda

Довтлогч

4 – Pedro Oldoni

7 – Ogbeche

9 – Goitom

27 – Kike

Онцлох тоглогч

Энэ багт Испани төдийгүй дэлхийн гигант клубүүдын шүлс асгарч байгаа нэгэн тоглогч бий. Тэр бол мэдээж Серхио Асенхо Андрес.

Испанийн залуучуудын шигшээ багийн үндсэн хаалгач 20-хон настай энэ залуу Ваяадолидын академиас төрөн гарсан хурц оддын нэг. Тэрээр 2007 оноос эхлэн үндсэн багийнхаа хаалгачаар тоглосон бөгөөд ирээдүйд Касильясын орыг залгах хүн гэж үнэлэгддэг.

2006 онд анх 17 хүртлэх насны дэлхийн аварга шалгаруулах тэмцээнд оролцож, бүх тоглолтод гараанд гарч өөрийгөө дэлхий нийтэд таниулсан. Энэ тэмцээнд Испанийн багачууд хүрэл зулгаасан.

2007 онд 19 хүртлэх насны Европын аваргын тэмцээнд оролцож, хагас шигшээд Францын өсвөрийнхөнтэй пенальти цохиход 2 бөмбөг хааж, багаа шалгаруулан, улмаар Европын аварга болцгоожээ.

Яг одоо явагдаж байгаа 21 хүртлэх насны Европын аваргад оролцсон Испанийн шигшээ баг хэсгээсээ шалгарч чадаагүй ч Асенхо гайхалтай сайн тоглож байсныг та бүхэн санаж байгаа байх.

Асенхо тун удахгүй дэлхийн аль нэг том клубын хаалгыг манах нь гарцаагүй. Тэр болтол төрөлх клубтээ од нь байсаар байх болно.

Үүнээс гадна Барраган гэж саяхан л нилээд ирээдүйтэй гэгддэг байсан хамгаалагчийг Депортиво Ла Корунья клубээс авсан нь сонирхол татаад байгаа.

No. Position Player 2 DF Antonio Barragán 3 DF Alberto Marcos (captain) 4 FW Pedro Oldoni 6 MF Borja 8 DF Javier Baraja 9 FW Henok Goitom 11 DF Nano 12 MF Pedro León 13 GK Justo Villar

No. Position Player 14 MF Ángel Vivar Dorado 16 DF Pedro López 17 DF Luis Prieto 18 MF Álvaro Rubio 19 MF Jonathan Sesma 20 MF Fabián Canobbio 23 MF Haris Medunjanin 26 MF Jesús Rueda 30 GK Jacobo