Дэлхийн оюутны “Универсиад” их наадмын жүдо бөхийн тэмцээний техникийн зөвлөгөөн өчигдөр орой (VII.06) болж, Монголын шигшээ багийн тамирчид сугалаагаа татлаа. Техникийн зөвлөгөөний үеэр Монголын шигшээ багийн дасгалжуулагч, Ардын багш Ч.Насантогтохыг  их наадмын жүдо бөхийн тэмцээний Техникийн хорооны гишүүнээр Ази тивийг төлөөлүүлэн сонголоо. Энэ хороонд Африк тивээс Египет, Америк тивээс Бразил, Европоос ОХУ-ын төлөөлөгчдийг тус тус сонгосон байна.

Жүдо бөхийн тэмцээн өнөөдөр (VII.07) Белградын үзэсгэлэн, чимэглэлийн төвд эхэлнэ. Энэ удаагийн “Универсиад-2009” их наадамд Монголын жүдочид эрэгтэй, эмэгтэй бүтэн багийн бүрэлдэхүүнтэй оролцож байгаа бөгөөд өнөөдөр (VII.07) болох эхний өдрийн тэмцээнд Монголын шигшээ багийн тамирчдаас эрэгтэйчүүдийн -100кг-д өрсөлдөж буй Б.Тэмүүлэн, +100кг-д өрсөлдөх Б.Сугаржаргал, эмэгтэйчүүдийн -78 кг-д өрсөлдөх Я.Дулмаа, +78-д өрсөлдөх Б.Мөнхтуяа оролцоно.

Жүдочдын эхний өрсөлдөгч хэн байх вэ?

Эрэгтэй:

60 кг: Нийт 28 тамирчин. Д.Амартүвшин-Wyns Senne (Бельги)

66 кг: Нийт 36 тамирчин. С.Мияарагчаа – Cho Jun-Ho (БНСУ)

73 кг: Нийт 37 тамирчин. С.Ням-Очир-Zyl Gideon van (Өмнөд африк)

81 кг: Нийт 35 тамирчин. Г.Түвшинжаргал-Virta Antti (Финлянд)

90 кг: Нийт 34 тамирчин. Э.Тулга-Liu Peng (БНХАУ)

-100 кг: Нийт 29 тамирчин. Б.Тэмүүлэн – Erjavec Matija (Словен)

+100 кг: Нийт 21 тамирчин. Б.Сугаржаргал – Gonzalez Escobar (Испани)

Эмэгтэй:

48 кг: Нийт 19 тамирчин. М.Уранцэцэг – Маncer Souhila (Алжир)

52 кг: Нийт 25 тамирчин. Б.Бат-Эрдэнэ – Kagaya Chino (Япон)

57 кг: Нийт 29. М.Бундмаа-Rogic Jovana (Серби)- Aloisi Valentina (Итали)

63 кг: Нийт 63 тамирчин. Ц.Мөнхзаяа-Gromova Irina (ОХУ)

70 кг: Нийт 24 тамирчин. П.Лхамдэгд – Mirjanic Branka (Словен)

-78 кг: Нийт 20 тамирчин. Я.Дулмаа – Grant Stephanie (Австрали)

+78: кг: Нийт 12 тамирчин. Б.Мөнхтуяа – Veljic Ivana (Серби)

Ардын эрх сонины сурвалжлагч Б.Бадамгарав Белград хотоос