Тур де Франс уралдааны тав дахь гараа Кап Даүд хотоос Перпиньян хот хүртэл 197 км замд үргэлжилсэн байна. Энэхүү гарааны ялагчаар BBO багийн тамирчин Томас Воклер 4 цаг 29 минут 35 секундын амжилтаар тэргүүлсэн ба түүнээс долоон секундын алдагдалтайгаар Михайль Игнатев, Марк Кавендиш, Тайлор Фаррар, Жеральд Койлек зэрэг 7, 8 тамирчин зэрэг барианд орж ирсэн байна. Воклер тэмцээн эхэлснээс хойш анх удаагаа түрүүлж байгаа бөгөөд ”Үнэхээр баяртай байна. Миний амжилтанд салхиний хүч нилээдгүй тус боллоо. Уралдааны өмнө түрүүлнэ гэсэн ямар ч бодол байгаагүй. Цаашдын уралдаандаа хичээж, амжилтаа ахиулахыг хичээх болно” гэжээ.  Одоогийн байдлаар Тур де Франс уралдааныг Саксо Банк багийн дуйгуйчин Фабиан Канчеллараа 15 цаг 7 минут 49 секундын амжилтаар тэргүүлж байгаа юм. Хоёрдугаар байранд Астана багийн Ленс Армстронг мөн адил цагийг үзүүлсэн амжилттай яваа. Түүний багийн анд Испанийн Алберто Контадор 19 секундын алдагдалтайгаар 3-р байранд бичигдэж байгаа бол Германы Андрес Клоден 23 секундын ард 4-р байранд жагсаж байна. Өнөөдр Тур де Франс уралдааны зургаа дахь гараа Испаний Жироно хотоос, Каталоны нийслэл Барселон хот хүртэл 175 км замд үргэжлэх юм.