Клуб Атлетико Осасуна буюу нийтэд Осасуна нэрээр алдаршсан хөлбөмбөгийн клуб нь Испанийн Наварр мужийн Памплона хотод 1920 онд байгуулагджээ. Гэртээ тэд улаан цамц, хөх богино өмдтэй тоглодог бол айлын талбайд хөх цамц, улбар богино өмд өмсдөг.

Осасунагийн талбайг Эстадио Рейно де Наварра гэх бөгөөд Баск хэлээр “Эрүүл” гэсэн утга агуулна.

Түүх

Сегунда дивизион дэвшин орохын тулд 12 жил зарцуулсан Осасуна 1933 он Ла лигт анх удаа дэвшин орж байв. 1985-1986 оны улиралд Ла лигийн 6-р байрт шалгаран анх удаа УЕФА-ын цомын тэмцээнд орохоор болж байв.

2005-2006 оны улиралд амжилттай тоглож 4-р байрт орж, Аваргуудын лигийн гуравдугаар шатнаас эхлүүлэх болзлыг хангасан ч Гамбург клубт хожигдон шагшээ 32 багт багтаж чадаагүй юм. УЕФА-ын цомд оролцох болсон Осасуна клуб Парма, Ланс, Оденс, Хээрэнвен, гэсэн шаггүй чанга клубүүдтэй нэг шатанд багтан тоглосон бөгөөд хэсгээсээ амжилттай шалгарч чадав. Гэвч Борде клубыг нутагтаа оруулсан гоолынхоо ачаар хожиж, Шотландын алдарт Рейнжэрсийг мөн л гэртээ оруулсан ганц гоолын ачаар буулган авчээ. Улмаар Байер Леверкузен клубыг буулган авч, семифиналд Севийятай тунан үлдсэн юм. Гэвч түрүүлэх тавилантай Севийя цааш шалгарсан юм.

Өнгөрөгч улиралд маш муу тоглож эгээтэй л Сегунда руу уначихаагүй. Сүүлийн тойрогт Реал Мадридад 1-0 –ээр хожигдож яваад 2 гоол оруулан 3 оноо салгаснаар дээд дивизионд үлдэж чадсан юм.

• 31 улирал La Liga (highest-ever position 4th (1990-91, 2005-06))
• 33 улирал Segunda División
• 13 улирал Tercera División
• 1 улирал Categorías Regionales

Амжилт

• 4 удаа UEFA Cup оролцсон
• 2005 оны Испанийн Эзэн  хааны цомын дэд аварга

Алдартай дасгалжуулагч

• Рафаэль Бенитез
• Мигуел Ангел Лотина
• Иван Брзич
• Хавиер Агуерре
• Хосе Антонио Камачо

Бүрэлдэхүүн

No. Байрлал Нэр 1 GK Ricardo 2 DF César Azpilicueta 3 DF Nacho Monreal 4 DF Miguel Flaño 6 MF Javad Nekounam 7 MF Masoud Shojaei 10 MF Francisco Puñal (vice-captain) 11 FW Walter Pandiani 12 MF Juanfran 13 GK Roberto 14 DF Josetxo 15 FW Santi Ezquerro

No. Байрлал Нэр 16 DF Sergio 18 FW Dady 21 MF Krisztián Vadócz 22 FW Kike Sola 23 MF Ludovic Delporte 26 GK Andrés 31 DF Oier 32 DF Rovérsio 33 FW Nicolás Medina 35 MF Jokin – MF Javier Calleja

Онцлох тоглогч

Онцлох од болсон тоглогч гэхээр хүн энэ багт одоогоор алга. Уругвайн Вальтер Пандиани довтолгооны гол тоглогч бол хагас хамгаалалтыг Ираны Жавад Некуниам голлон хариуцдаг. Хамгаалалтын цөм нь  Мигуел Флано. Баруун жигүүрийн хагас хамгаалагч Хуанфраныг ирэдүйтэй гэж ярьдаг байсан.