УЕФА-гийн хариуцлагийн алба Челси багийн давж заалдсан хэргийг авч хэлэлцээд Дидье Дрогба болон Жозе Босингва нарын шийтгэлийг хөнгөлж нэг тоглолт өнжүүлэхээр болсон байна. Өнгөрсөн Аваргуудын лигийн хагас шигшээ тоглолтонд Английн Челси Испаний Барселон багтай нутагтаа хариу тоглолт хийж 1-1 харьцаатай тэнцэж улмаар хожигдсон. Үүний дараа Челсигийн довтлогч Дидье Дрогба болон баруун хамгаалагч Жозе Босингва нар тоглолтыг шүүсэн Норвегийн Том Хеннинг Эвребе ажлаа тун тааруу хийлээ хэмээн талбай дээр зүй бус авир гаргасан билээ. Тухайн үед УЕФА энэ байдлын цаагуур байгаад байсангүй Дрогба Босингва 2-ыг Европын цомын 3-4 тоглолтонд оролцох эрхийг хасаж байсан юм. 2 чухал тоглогчоо шийтгүүлсэн Челси ч гэсэн зүгээр суусангүй үүний дараа давж заалдсан байгаа. Лхагва гарагийн орой энэ хэргийн талаар хаалттай хуралдаан болж хөлбөмбөгийн эрхмүүд энэ 2 тоглогчийн шийтгэлийг зөөллөх арга хэмжээ авч аль аль тоглогч нь Европын цомын 1 тоглолтонд оролцох эрхийг хассан байна. Энэ хаалттай хуралдаанд Дрогба, Босингва нар оролцсон бөгөөд мөнгөн торгууль хэвээр үлдэнэ гэж заажээ. Энэ мөчид Челси багийн шинэ мэдээ нэгээр нэмэгдлээ. Тэд өөрийн ивээн тэтгэгч Самсунг Электроникс багтай гэрээгээ 2013 он хүртэл сунгасан байна. Самсунгийн лого Челсигийн тоглогч болгоны урд бичээтэй байдгийг та бүхэн мэдэх биз. Самсунг компанийн хувьд Челситэй 2005 оноос хойш холбоотой байгаа бөгөөд жил болгон “цэнхэр”-үүдийн халаасанд 11 сая фунтыг хийдэг байна. 2 тал сүүлийн жилүүдэд тун ашигтай ажиллаж байгаа учраас гэрээгээ сунгахаар болсон байна.