Монгол Улсын Засгийн газраас тив, дэлхийн АШТ болон Дэлхийн цомын тэмцээнд амжилттай оролцож, алт, мөнгө, хүрэл медаль хүртсэн тамирчдад мөнгөн шагнал олгох шийдвэр гаргасныг Эрүүл мэндийн сайд С.Ламбаа, Засгийн газрын хэрэгжүүлэгч агентлаг БТСГ-ын дарга, гавьяат дасгалжуулагч Ч.Наранбаатар нар гардуулан баяр хүргэлээ. Энэ удаа Москва, Рио-де-Жанейрогийн Их дуулгаас алт, мөнгөн медаль хүртсэн гавьяат тамирчин Х.Цагаанбаатар, Москвагийн Их дуулгын хүрэл медальт Б.Сайнжаргал нарын 23 тамирчныг 70.2 сая төгрөгөөр шагнаж урамшууллаа.