Миннесота Тимбервулвьз багийн ерөнхийлөгч Дэвид Кан шинэ дасгалжуулагч хайсаар байна. Хуучин дасгалжуулагч Кевин МакХэйлийг халсанаас хойш тус баг тохирох дасгалжуулагчаа одоо болтол олж чадсангүй. Багийн эзэн Глен Тэйлор Ассошэйтэд пресс агентлагт өгсөн ярилцлагадаа бид энэ зун Майк Миллер, Рэнди Фоэ, Марк Мадсен, Крэйг Смит, Себастиан Телфэйр нарын ахмад туршлагатай сайн тоглогчдоо явуулсан. Эдгээр тоглогчдын оронд төдийлөн сайн тоглогч авч чадаагүй л яваа. Дээр нь багийг удирдах ерөнхий дасгалжуулагчгүй 7 долоо хоног болсон нь NBA-д дээд амжилт болж байна. Багийн дасгалжуулагч Кевин МакХэйлийн хувьд өнгөрөгч 6-р сард хувийн шалтгааны улмаас ажлаа орхиж байгаагаа мэдэгдсэн билээ. Түүнийг орлох дасгалжуулагчийг хайсаар 3 боломжийн хүнийг Тимбервулвьз баг сонгоод байгаа гэнэ. Үүнд ESPN сувгийн шинжээч, аналист Марк Жэксон, ЛА Лейкерс багийн туслах Курт Рамбис, Хьюстон Рокетс багийн туслах Элстон Тюрнер нар багтаж байна. Өнгөрсөн долоо хоногт тус багийн ерөнхийлөгч Дэвид Кан Испанид очиж драфтаар авсан Рики Рубиог эгнээндээ нэгтгэх асуудлыг түргэвчилсэн юм. 18 настай холбон тоглогчийг Испанийн Ховентут багаас 6,6 сая ам доллараар худалдан авах гэрээг тэд ярилцсан байна. Мөн Рики Рубиогийн цалинд 500.000 ам долларыг санал болгожээ. Үүний дараа Канн Америкт ирж шинэ дасгалжуулагчийн эрэлд мордсон бөгөөд энэ долоо хоногтоо багтаж гэрээ байгуулах юм байна.

Мөн NBA-ийн зүгээс ирэх улирлын хуваарь зохиоход хамтарч ажиллахгүй удсан 3 багт торгууль ногдуулахаар болжээ. Кливленд Кавальерс, Хьюстон Рокетс болон Миннесота Тимбервулвьз багууд торгуулж байгаа бөгөөд албаныхан энэ тухай Ассошэйтэд пресс агентлагт мэдээлсэн байна. НБА 2009-2010 оны улирлын тоглотын хуваарийг маргааш гэхэд гаргаж дуусгахаар ажиллаж байгаа юм байна. Харин ямар торгуулийг дээрх багууд оногдуулсан нь одоогоор тодорхойгүй байна.