НБА-ийн ирэх улирлын хуваарь гарчээ

НБА ирэх улирлын хуваариа зарлалаа. Тэд энэ жил дахин зул сарын баярын өдрөөр Шак, Кобигийн тулааныг тааруулжээ.

Аваргаа хамгаалж буй Коби Брайант ЛеБро+Шак гэсэн хослолыг 12 сарын 25 нд хүлээн авна. Энэ нь Шак, Кобигийн хослол салснаас хойш 5 жилийн хугацаанд дөрөв дэх удаагаа хоорондоо зул сараар таарч буй явдал юм.

10 сарын 27-нд лигийн эхний өдөр Шакил болон ЛеБрон нар Бостон Селтикстэй тоглохоор болжээ. Нээлтийн өдөр 4 тоглолт болох юм байна. Лейкерс харин энэ жилийн драфтын тэргүүн тоглогч Блэйк Гриффин тэргүүтэй хотын нөгөө багтайгаа тоглохоор болжээ.

10 сарын 28-нд НБА-ийн дэд аварга Орландочууд Филадельфитэй нээлтийн тоглолтоо хийх юм байна.

Энэ жилийн НБА-ийн финалын хос Мартин Лютер Кингийн өдөр буюу 1 сарын 18-нд Лос Анжелес хотноо тоглохоор болжээ. Харин 3 сарын 7-нд Орландо хотноо тоглоно гэнэ.

Зул сараар мөн Орландо Бостонг талбай дээрээ хүлээн авч тоглох юм байна.

Рой гэрээгээ сунгалаа

Портлэнд Трейл Блэзерс багийн хамгаалагч Брэндон Рой багийн тавьсан 5 жилийн 78-82 сая ногооны гэрээг зөвшөөрсөн хэмээн Yahoo! Sports мэдээлж байна.

Портлэнд багийнхан өнөөдөр хэвлэлийн бага хурал хийж зарлах юм байна.

Жэйсон Уилльямс Нью Йоркод

Өнгөрсөн жил зодог тайлсан ч энэ жил талбайдаа эргэн гарахаар болоод буй Жэйсон Уилльямс Нью Йорк Никс багтай бэлтгэл хийгээд эхэлжээ. Хэдийгээр Нью Йорк түүнийг багтаа элсүүлснээ зарласан ч гэрээ хийгдээгүй байгаа гэнэ. Маргааш Нью Йорк Никс гэрээний санал хүргүүлэх бололтой.

Уилльямс өнгөрсөн 9-р сард зодог тайлахаасаа өмнө 10 улирлыг өнгөрөөгөөд байсан бх Лос Анжелес Клипперс багт зун элсээд 2 сар  болсны дараа зодог тайлсан юм. Тэр зодог тайлсан шалтгаанаа эхнэр нь жирэмслэлтийн үедээ асуудалтай байснаар тайлбарлаж байсан.

Жэйсон Уилльямс хамгийн бага нөхцлөөр Никсийн гишүүн болох биз ээ. Никсд холбогч хэрэгтэй байгаа юм. Тэд Далласаас Жэйсон Киддийг авах төлөвлөгөө бүтэлгүйтсэн ба одоогоор Рамон Сешнс, Жамаал Тинсли нарыг авах талаар бодож буй ажээ.