Дэлхийн аваргын урьдчилсан шатанд хамгийн амжилттай яваа Голланд-Английн тулаан  сонирхолтой өрсөлдөөнтэй явагдлаа. Хамгийн сүүлд энэ хоёр баг 2006 онд тулж байсан бөгөөд Руни, Ван дер Ваарт нарын гоолоор  эвийн гэрээ байгуулж байсан аж. Тоглолтын эхний гоолыг 10 дахь минутад Ливерпулийн Дирк Кюйт оруулсан бөгөөд түүний гоолоос 28 минутын дараа Ван де Ваарт тоог дахин холдуулснаар Гурван Арслангууд хүнд байдалд орсон юм. Хоёрдугаар хагасын эхэнд Фабио Капелло, төдийлөн сайн тоглохгүй байсан Хэскэйг суулгаж Жермайн Дофоег гаргасан нь оносон шийдвэр байлаа. Тоттенхэмийн довтлогч маань орж ирсэн дариудаа тооны харьцааг ойртуулж дөнгөсөн юм. Удсан ч үгүй 77 дахь минут үргэлжилж байх үед дахин нэг гоол оруулж багаа ялагдлаас аварчээ.

Голланд 2 : 2 Англи (10′ Кюйт, 38′ Ван дер Ваарт), (49′ 77′ Дефое)

Голланд : Стекеленбург, Хейтинга, Ойер , Матейсен, Брафхэйд, Де Ёонг, Шаарс (82′ Мендеш да Силва), ван Перси (46′ Бабел ), ван дер Ваарт (46′ Шнайдер), Арьен Роббен (55′ Афеллэй), Дирк Кюйт (10′ Хунтелар)

Англи : Роберт Грин, Э.Коул (84′ Бриж) , Терри, Фердинанд, Жонсон, Яанг (68′ Милнер), Лампард , Барри (46′ Кэррик),  Бекхэм (46′ Райт Филипс), Руни (58′ Карлтон Коул), Хескэй (46′ Дефое)

Орос 2 : 3 Аргентин

Гоол : Семшов, 17 (1:0). Агуэро, 45 (1:1). Лисандро Лопез, 46 (1:2). Датоло, 59 (1:3). Павлюченко, 79 (2:3).

ОХУ: 1. Акинфеев, 2. Анюков, 3. Колодин (5. В. Березуцкий, 76), 4. Игнашевич, 13. Янбаев, 8. Семшов (14. Погребняк, 82), 7. Денисов, 11. Семак (19. Дзагоев, 58), 17. Зырянов, 10. Аршавин (к), 16. Кержаков (9. Павлюченко, 46).

АРГЕНТИН: 1. Андухар, 2. Отаменди, 4. Бурдиссо (15. Ката Диас, 46), 6. Хайнц, 8. Занетти (3. Папа, 46), 11. Макси Родригес (22. Датоло, 58), 14. Машерано (к), 20. Болатти (5. Батталья, 67), 23. Жонас Гутьеррес, 9. Милито (19. Лисандро Лопез, 46), 16. Агуэро (7. Лавеззи, 63).

Диего Марадонагаар удирдуулсан Аргентиний шигшээ Оросод зочлон хүндхэн тулаан хийлээ. Талбай дээрээ тоглож байгааг ч хэлэх үү, Хиддинкийн шавь нар тоглолтын эхнээс л ширүүн дайрч эхэлсэн бөгөөд үүний үр дүн 17 дахь минутад гарч Семшов эхний гоолыг оруулсан аж. Гэхдээ тэдний баяр хөөр ердөө 20 минут л үргэлжилсэн. Эхний үеийн цаг дуусах мөчид Марадонагийн хүргэн Серхио Агуеро гайхалтай гоол оруулснаар тооны харьцаа тэнцсэн аж. Үүнээс хойш Аргентинчуудын давамгайллл эхэлж Лисандро Лопез, Датоло нар дараалан хоёр гоол оруулснаар ялагчын хувь заяа ерөнхийдөө тодорхой болсон юм. Бүх зүйл тодорхой болсон 79 дэх минутад Павлюченко тооны харьцааг 3 : 2 болгож дөнгөсөн ч дахин гоол орсонгүй, энэ хэвээрээ өндөрлөлөө. Бусад тоглолтуудын мэдээллээс хүргэхэд Италичууд бүх шилдэгүүдээ Швэйцарийн эсрэг илгээсэн ч, гоол оруулж чадалгүй 0: 0-ээр тэнцжээ. Харин Бразил Луйс Фабианогийн ганц гоолоор Эстонийг сөхрүүлсэн байна. Бяцхан Македончууд Европын аварга Испаничуудын эсрэг гайхалтай тулалдаж багагүй сандаргасан ч 3 : 2-оор ялагдсан аж. Македоноос Горан Пандев 2 гоол оруулжээ. Хойд Америкийн КОНКАКАФ бүсийн хэд хэдэн тоглолтууд мөн явагдлаа. Бүсийн тэргүүн баг Мексикчүүд талбайдаа Америкийг хүлээн авч 2 : 1-ээр буулган авчээ. Эзэн багаас Кастро 19 дэх минутад, 83 дахь минутад Саба нар гоолдсон бол Америкаас Чарли Дэвис нэр төрийн гоолыг багтаа авчирчээ.

Өмнөд Солонгос 1 : 0 Парагвай
Сингапур 1 : 1 Хятад
Чех 3 : 1 Бельги
Өмнөд Африк 1 : 3 Серби
Алжир 1 : 0 Уругвай
Унгар 0 : 1 Румын
Швед 1 : 0 Финлянд
Украйн 0 : 3 Турк
Албани 6 : 1 Кипр
Дани 1 : 2 Чили
Лихтенштэйн 0 : 3 Португал
Австри 0 : 2 Камерун
Ирланд 0 : 3 Австрали
Конго 1 : 2 Сенегал
Монтенегро 2 : 1  Уэльс
Хойд Ирланд 1 : 1 Израйль
Исланд 1 : 1 Словак
Польш 2 : 0 Грек