Германы Берлин хотын Олимпийн цэнгэлдэх хүрээлэнд хөнгөн атлетикийн ДАШТ-ий гурав дахь өдрийн уралдаан явагдаж өнгөрлөө. Энэ өдөр өмнөх өдрийн адилаар Ямайкийн ойрын зайн гүйгчид давамгайллаа. Энэ удаа бүсгүйчүүд нь. Бээжингийн олимпийн аварга Шелли-Энн Фрэзер өөрийгөө хамгийн хурдан эмэгтэй гэдгээ баталгаажуулан алтан медалийг хүртлээ. Тэр Бээжинд гүйснээсээ хурдан буюу 10.73 секундэд замаа туулсан. Энэ нь түүхийн гурав дахь хурдан гүйлт. Түүнийг нутаг нэгт Керрон Стюарт өөрийн хувийн дээд амжилтаа эвдэж 10.75 секунд гүйснээр мөнгөн медалийг хүртсэн бол АНУ-ын Кармелита Жетер 10.90 секундын амжилтаар гуравт оржээ.

Фрэзер мөн хоёр зуун метрт хүч үзнэ. Болт, Фрэзер хоёр хамтдаа дэлхийн хамгийн хурдан эрэгтэй эмэгтэй болж байна.

Байр	Тамирчин	Улс	Дүн
1	Шэлли-Энн Фрейзер	Ямайк	10.73 WL
2	Керрон Стюарт	Ямайк	10.75
3	Кармелита Жетер	АНУ	10.90
4	Вероника Кэмпбелл-Браун	Ямайк	10.95
5	Лорин Уильямс	АНУ	11.01
6	Фергюсон-Маккензи, Дебби	Вануату	11.05
7	Чандра Старроп	Багама	11.05
8	Бейли, Ален	Ямайк	11.16

Бекелег хэн ч гүйцэхгүй

Энэ өдөр 10000 метрийн уралдаан болж өнгөрлөө. Этиопын Кнениса Бекеле зовох юмгүй түрүүллээ. Өөрийн хөрш улс Эритреа улсын тамирчин Зерсенай Тадессе удаалж, Кенийн Мозес Масай гуравлажээ. Бекеле 26:50.11 буюу энэ тэмцээний рекордыг тогтоосон байна.

Байр	Тамирчин	Улс	дүн
1	Кнениса Бекеле	Этиоп	26:46.31 CR
2	Зерсенай Тадесе	Эритреа	26:50.12
3	Мозес Ндиема Масай	Кени	26:57.39
4	Имане Мерга	Эфиоп	27:15.94
5	Бернард Кипроп Кипуаего	Кени	27:18,47
6	Датхан Ритженхейн	АНУ	27:22.28
7	Мика Кипкембой Кого	Кени	27:26.33
8	Гален Рупп	АНУ	27:37,99

Исенбаева мулт, Роговска алт!

Энэ өдрийн гол шуугиан тулгууртай харайлтын төрөлд боллоо. Түрүүлэх магадлал нь Усэйн Болтоос ч илүү Елена Исенбаева ганц ч харайлтаа харайж чадалгүй хасагдсан юм. Дэлхийн рекордыг тогтоох эсэх нь л эргэлзээтэй байсан Исенбаева ийнхүү энэ улиралд хоёр дахиа хожигдлл. Энэ удаа бүр ийм чухал тэмцээнд шүү.

Түүний энэ зайгаар Польшийн Анна Роговскагийн од нь гийж алтан медалийг авлаа. Олимп, дэлхийн хошой аварга эхний өндрөө 4.75 дээгүүр захиалсан ч харайж чадсангүй. 4.80 дээгүүр захиалсан ч бас л чадаагүй. Хүмүүс энэхүү явдлыг 1988 оны Сергей Бубкагийн олимпийн бүтэлгүйтэлтэй адилтгаж байна. Исенбаева ийнхүү медаль ч үгүй хоцорч Роговска 4.75 харайснаар алтан медалийг хүртлээ.

Байр	Тамирчин	Улс	дүн
1	Анна Роговска	Польш	4.75
2	Челси Жонсон	АНУ	4.65 SB
2	Моника Пырек	Польш	4.65
4	Сильке Шпигельбург	Герман	4.65
5	Фабиана Мурер	Бразил	4.55
6	Кейт Деннисон	Их Британи	4.55
7	Татьяна Полнова	ОХУ	4.40
7	Анна Баттке	Герман	4.40

Бас л тооцоолоогүй алт, Домингез!

Тулгууртай харайлтын аварга, 3000 метрийн аварга минут орчмын зайтай тодорсон. Ерөнхий зураглал ч адилхан байв. Алт авна хэмээн тааварлаж байсан ОХУ-ын Гульнара Галкина медаль ч үгүй хоцорч дөрөвдүгээр байранд оржээ. Домингезийн араас Оросын Юлия Заруднева, Кенийн залуу тамирчин Чемос Чейва нар өөр өөрсдийн хувийн дээд амжилтаа эвдэн медальт байруудад шалгарлаа. Эмэгтэйчүүдийн гурвын харайлт мөн болж Кубын хоёр тамирчин эхний хоёр байрт оржээ.